Boshlang‘ich ta’limda matematika va tabiiy fanlar kafedrasi katta o‘qituvchisi Nilufar Atajanova tomonidan o‘rta maktablarda mavjud muammolar bo‘yicha loyiha ishlarini tashkil etishga bag‘ishlangan tadbir o‘tkazildi.

     Xalqaro dasturlarga mos keluvchi STEM, TIMSS, undan tashqari Kembridj dasturlari asosida loyiha ishlari tayyorlash sirlari va uning bo‘lajak boshlang‘ich sinf o‘qituvchilari uchun foydali tomonlari ko‘rsatib berildi.

     Talabalar 4+2 amaliyot davomida loyiha ishi tayyorlash uchun maktablardagi har xil muammolar va ularning yechimlarini izlab topgan hamda ular o‘zlari bilmagan ko‘plab bilimlarga ega bo‘ldi. Mustaqil ta’lim loyihalarini yaratishda yuzaga kelayotgan muammolar tahlil qilindi.

     Tadbirda boshlang‘ich sinf o‘qituvchisining nutq madaniyatidagi kamchiliklarga yechimlar, boshlang‘ich sinf matematika fanining bugungi va ertangi istiqbollari, boshlang‘ich ta’limdagi o‘qituvchi, o‘quvchi va ota-ona o‘rtasidagi ziddiyatlar va ularning yechimlari, boshlang‘ich sinflarda matematika fanini o‘qitishda ona-tili va o‘qish savodxonligining integratsiyasi ko‘rsatib berildi.