Tashkil etilgan yili: 2019
Manzil: Chirchiq davlat pedagogika universiteti, 2-bino, 304-xona.
Geografiya kafedrasi 2019-yil 29-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Tabiiy fanlar” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra geografiya, geografiya va iqtisodiy bilim asoslari yo‘nalishlar uchun tayanch hisoblanadi.
KAFEDRANING MAQSADI VA VAZIFALARI
Kafedraning missiyasi: Geografiya kafedrasining asosiy vazifasi mamlakatdagi ta’lim muassasalariga malakali geograf o‘qituvchilar tayyorlash, talabalarning fanga oid ko‘nikmalarini rivojlantirish hamda pedagogik kompetensiyasini shakllantirishdan iborat.
Maqsadlarimiz:
✔ geografiya fanini respublika doirasida nufuzini ko‘tarish va ta’lim sifatini oshirish.
✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
✔ Ilmiy-tadqiqot muhitini rivojlantirish – geoaxborot tizimlarini o‘rganish va geografik, pedagogik tadqiqotlar bo‘yicha innovatsion markazga aylanish.
|
Geografiya kafedrasining o‘rta muddatli strategik rivojlantirish dasturi |
O‘QUV DASTURLARI
Kafedra bakalavriat bosqichi talabalariga geografiyani o‘qitish bo‘yicha darslar olib boradi.
1-kurs o‘quv dasturlari
60530200 – Geografiya
2-4-kurs o‘quv dasturlari
6111000-Geografiya va iqtisodiy bilim asoslari
60110500-Boshlang‘ich ta’lim
1-kurs magistratura o‘quv dasturlari
70530203-Aniq va tabiiy fanlarni o‘qitish metodikasi (geografiya)
ILMIY-TADQIQOT YO‘NALISHLARI VA LOYIHALAR
Geografiya kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:
— Aholi geografiyasi va demografiyaning zamonaviy muammolari: Mazkur ilmiy yo‘nalish aholi soni, dinamikasi, joylashuvi, yosh-jins, irqiy, milliy, diniy tarkiblari, aholi sonining o‘zgarishi, tug‘ilish, o‘lim, tabiiy va mexanik ko‘payish, aholi migratsiyasi va unga ta’sir etuvchi omillar, aholi va mehnat resurslarining takror barpo bo‘lishi, aholi bandligi kabi masalalarni o‘rganishga qaratilgan (Sh.Qurbonov, F.Dusmanov).
— Qishloq xo‘jaligi tarmoqlarining hududiy tashkil etilishini takomillashtirish: Ushbu ilmiy yo‘nalish mamlakatimiz qishloq xo‘jaligi tarmoqlari ixtisoslashuvi va rivojlanishiga ta’sir etuvchi tabiiy va iqtisodiy geografik omillarni baholash, ularni dehqonchilik va chorvachilik tarmoqlarini hududiy tashkil etishga ta’sirini o‘rganishga qaratilgan (F.Rajabov, J.Namozov).
— Tabiiy geografiyaga oid tadqiqotlar: Tabiiy geografiyaning mamlakatimizda rivojlanishi, havzalarning morfostrukturasi, daryo quyi oqimlarining antropogen omillar ta’sirida o‘zgarishi, yerning meliorativ yaxshilash masalalariga e’tibor qaratiladi (A.Urazbayev, Sh.Ibroimov).
— Turizm va rekreatsion faoliyat rivojlanishining geogragik xususiyatlari: Bu ilmiy yo‘nalish tabiiy va tarixiy-madaniy turistik-rekreatsiya resurslari negizida O‘zbekistonda ichki va xalqaro turizmni rivojlantirishning geografik muammolari va istiqbollarini o‘rganishga qaratilgan (Sh.Qurbonov, L.Djurayeva).
— Geografiya fanini o‘qitishning zamonaviy usullari: Mazkur ilmiy yo‘nalish geografiya kurslarini o‘qitishda qo‘llaniladigan zamonaviy pedagogik texnologiyalarni takomillashtirib borishga qaratilgan (O.Abdimurodov, S.Djumaboyeva).
— Sug’oriladigan yerlardan foydalanishning iqtisodiy geografik xususiyatlari: Ilmiy yo’nalishda sug’oriladigan yerlardan foydalanishning iqtisodiy geografik xususiyatlari, qishloq xo’jaligi nuqta-nazaridan o’rganiladi (J.Namozov).
Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.
|
Kafedra ilmiy tadqiqot faoliyatining 2023-yil bo‘yicha natijalari hisoboti |
|
Kafedra ilmiy tadqiqot faoliyatining 2024-yil bo‘yicha natijalari hisoboti |
Geografiya kafedrasi tarkibi
|
|
Abdimurotov Oybek Urolovich p.f.f.d., dots Kafedra mudiri |
||
|
|
Urazbayev Abdukarim Kenderbayevich g.f.d., prof. Professor |
||
|
|
Rajabov Furqat To‘raqulovich p.f.d., dots. Professor v.b. |
||
|
|
Qurbonov Shuhrat Bekmetovich g.f.f.d., dots. Dotsent |
||
|
|
Namozov Jo‘rabek Abduazizovich g.f.f.d., dots. Dotsent |
||
|
|
Djumaboyeva Salomat Komiljonovna p.f.f.d.(PhD) Dotsent v.b. |
|
|
|
|
Ibroimov Sherzod Ibroim o‘g‘li g.f.f.d.(PhD) Dotsent v.b. |
|
|
|
|
Djurayeva Lobar Vohidovna Katta o‘qituvchi |
||
|
|
Urinova Nilufar Saydirasilovna O‘qituvchi |
||
|
|
Mahmudova Charos Ikromovna O‘qituvchi |
KAFEDRANING TA’LIM SIFATI VA BAHOLASH TIZIMI
Ta’lim sifati nazorati
Geografiyakafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:
- Tashqi monitoring
Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.
Tabiiy fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.
Baholash tizimi
Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.
Oraliq baholash: talabalar oraliq nazorat uchun “yozma va og‘zaki” imtihon topshiradilar, bu esa ularning og‘zaki bilim ko‘nikmalarini tekshirish imkonini beradi.
Yakuniy baholash: yakuniy nazorat asosiy ko‘nikmalar bo‘yicha baholanadi.
O‘quv dasturimizga ko‘ra, talabalar yozma imtihon topshiradilar.
Xalqaro ta’lim sifati standartlariga mosligi
- Chirchiq davlat pedagogika universiteti ta'lim sifatini nazorat qilishga alohida e'tibor qaratadi. Universitetning Ta'lim sifatini nazorat qilish bo'limi O‘zbekiston Respublikasi Vazirlar Mahkamasining 2017 yil 18 iyuldagi 515-son qaroriga muvofiq tashkil etilgan bo‘lib, ta'lim sifatini doimiy ravishda monitoring qilish va baholash bilan shug‘ullanadi. Bu tizim orqali talabalar Universitetning umumiy strategiyasida ta'lim dasturlari, professor-o‘qituvchilar, ta'lim texnologiyalari va moddiy-texnik ta'minot sifatini oshirishga qaratilgan chora-tadbirlar belgilangan. Ushbu sa'y-harakatlar universitetning, jumladan, Geografiya kafedrasining ta'lim sifatini xalqaro standartlarga moslashtirishga qaratilganligini ko‘rsatadi.
Muassasaning vazifa va strategik maqsadlariga ilmiy-tadqiqot faoliyatni moslashtirish
- Ilmiy-tadqiqot faoliyatida xalqaro xamkorlikni yoʻlga qoʻyish
- Ilmiy-tadqiqot faoliyati va uning natijalarini muntazam monitoring hamda tahlilini amalga oshirish mexanizmini ishlab chiqish
- Ilmiy va ilmiy-texnik faoliyat natijalarini tijoratlashtirish mexanizmini ishlab chiqish
- Xalqaro va respublika miqyosidagi ilmiy-metodik va amaliy konferensiyalarning xorijiy mutaxassislar ishirokida oʻtkazish
- Talabalar fikr-mulohazalari va qayta aloqa tizimi
Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.
Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.
HAMKORLIK ALOQALARI
Geografiya kafedrasi geografiya ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari hamda Bo‘stonliq tumani kasb-hunar maktabi bilan hamkorlik yo‘lga qo‘yilgan.
- Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy fanga doir yondashuvlarni targ‘ib qilish, geografiyani o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
- Metodik ko‘mak va tajriba almashish: Hamkor maktab va kasb-hunar maktablarida geografiya o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning ingliz tilifanga oid bilimlarini rivojlantirishga hissa qo‘shilmoqda.
- O‘quvchilarning geografik kompetensiyasini rivojlantirish: Hamkorlik doirasida geografiyani o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning bilish darajasini oshirish, ularga xalqaro baholash tizimlariga tayyorgarlik ko‘rish bo‘yicha tavsiyalar berilmoqda.
Kafedra mahalliy hamkorlikni yanada kengaytirish hamda fanni o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.
XDPI (Xo‘jand davlat pedagogika instituti, Tojikiston)
Kafedra XDPI bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.
Hamkorlik doirasida xorijiy professorlarning ishtirokida mahorat darslari va seminarlar tashkil etilmoqda.
O‘DU (O‘sh davlat universiteti, Qirg‘iziston)
O‘DU bilan hamkorlik aloqalari doirasida ikki tomonlama shartnoma imzolangan.
O‘DU delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.
Bizning delegatsiya O‘DUga tashrif buyurib, universitetning ta’lim tizimi bilan tanishgan.
TALABALAR HAYOTI
Kafedra qoshida talabalarning fanni chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:
✔fanni o‘rganish bo‘yicha interaktiv mashg‘ulotlarda ishtirok etishlari mumkin;
✔maqola va tezislar yozish imkoniyatiga ega bo‘ladilar;
✔Xalqaro sertifikat olishga tayyorgarlik ko‘rishlari mumkin.
Bu klublar doirasida talabalar ishtirokida turli debatlar, tanlovlar va seminarlar o‘tkazilib, ularning tadqiqotlarini real muhitda rivojlantirish imkoniyati yaratiladi.
Talabalarni qoʻllab-quvvatlash
✔Ijtimoiy himoyaga muhtoj va iqtidorli talabalarni qoʻllab-quvvatlash mexanizmlarini joriy etish
✔Xodimlar va talabalar uchun sogʻlom ma'naviy muhitni ta'minlash mexanizmini ishlab chiqish
✔Talabalarga maslahat yoki yordam berish boʻyicha ishlarni tashkil etish
✔Talabalarning ilmiy faolligini oshirish
✔Talabalarni nufuzli tanlovlarda ishtirokini oshirish
O‘quv-dala amaliyoti
Dala amaliyoti universitet rektorining 2023-yil 8-maydagi 03-314-sonli buyrugʻiga asosan 60111000 – Geografiya vа iqtisodiy bilim asoslari ta’lim yo‘nalishi oʻquv rejasiga muvofiq Umumiy yer bilimi, Geologiya va geomorfologiya, Tuproqlar geografiyasi hamda Topografiya, kartografiya va GAT fanlaridan jami 60 soat tashkil etildi. Amaliyoti boshlanishining dastlabki kunida o‘quv-dala amaliyotining maqsad va vazifalari hamda texnika xavfsizlik qoidalari bilan talabalar tanishtirildi. Amaliyot davomida Toshkent viloyatining Bo‘stonliq tumaning tog’ va tog’ oldi landshaftlarining tabiati, geologiyasi, tog’ jinslarining xususiyatlari, tuproq qoplami, shuningdek, Chirchiq, Ugom, Piskom kabi daryolarning suv rejimi, daryo havzasidagi relyef shakllari, Chorvoq suv omborining atrof muhitga ta’siri, tog’ yonbag’irlarining turli xil landshaft ko’rinishlari tanishtirib o’tilidi, ularning sabab va oqibatlari kafedra professor-o’qituvchilari tomonidan batafsil tushuntirib berildi.
INDIVIDUAL TA’LIM YONDASHUVI ASOSIDA GEOGRAFIYA TA’LIMIDA AUDITORIYADAN TASHQARI (TO’GARAK) MASHG’ULOTLAR
Chirchiq davlat pedagogika universiteti Tabiiy fanlar fakulteti Geografiya kafedrasida ham o’qituvchilar tomonidan geografiya ta’limida sinfdan tashqari ishlar xususan, to’garak darslari faoliyat ko’rsatib kelmoqda. To’garak uchun alohida xona sifatida geografiya ,,SMARTROOM” tashkil etilgan. Geografiya xonasida to‘garak a’zolari uchun zarur bo’lgan barcha geografik materiallar, o’quv jihozlari, geografik xaritalar va atlaslar mavjud. Mazkur xonada to’garak faoliyati har doim bir haftada ikki marta to’garak a’zolari bilan birga olib boriladi. Shuningdek talabalar tomonidan jurnal va konferensiyalarga maqola va tezislar berib boriladi.
Mirislomov Mirdavlat Miraziz oʻgʻli - Chirchiq davlat pedagogika universiteti talabasi Geografiya va iqtisodiy bilim asoslari yo'nalishi 3-bosqich talabasi 2024-2025 oʻquv yilida Bobur nomli davlat stipendiyasiga sazovor boʻldi.
Ilmiy rahbari Namozov Joʻrabek Abduazizovich.
Kafedrada “yosh tadqiqotchi” to‘garagi faoliyati yo‘lga qo‘yilgan. Uning ichida tabiiy geografiya, iqtisodiy va ijtimoiy geografiya, geografiya o’qitish metodikasi, atrof – muhitni muhofaza qilish kabi yo’nalishlar tashkil etilgan.
Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:
INDIVIDUAL TA’LIM UCHUN ARIZA TOPSHIRISH
Ilmiy faoliyatga yo‘naltirish
Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.
Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.
TALABALAR VA TADQIQOTCHILARNI ILMIY FAOLIYATGA YO‘NALTIRISH
Xalqaro o‘qituvchi tayyorlash va kasbiy rivojlanish
Stipendiant talabalar magistratura mutaxassisligiga yo‘naltiriladi.
Bu jarayonda talabalar xalqaro metodikalarga asoslangan dars berish malakalarini shakllantirish imkoniyatiga ega bo‘ladilar.
Geografiya kafedrasining 2023-2024 o‘quv yili bo‘yicha
Geografiya kafedrasi strategik rivojlantirish bo‘yicha 2025-yil uchun
KAFEDRA YANGILIKLARI VA E’LONLAR
- O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora- tadbirlari to‘g‘risida” 2023-yil 4-iyuldagi PQ-200-son qarori 9-bandiga asosan xalqaro ilmiy-texnik hamkorlik ko‘lamini kengaytirishga qaratilgan xalqaro va respublika miqyosidagi ilmiy anjumanlar, simpoziumlar, seminarlar va boshqa ilmiy hamda ilmiy-texnik tadbirlarning o‘z vaqtida samarali o‘tkazilish hamda 0 ‘zbekiston Respublikasi Oliy ta’lim, fan va innovatsiyalar vazirining 2024-yil 27-dekabrdagi 490-sonli buyrug‘i ijrosini ta’minlash maqsadida Chirchiq davlat pedagogika universitetida 16.06.2025-17.06.2025 kunlari “Geografiya fanida tizimli yondashuv: nazariya, eksperiment, amaliyot va ta’lim” nomli xalqaro ilmiy-amaliy konferensiya bo‘lib o‘tadi.
- Tabiiy fanlar fakulteti "Geografiya" kafedrasida Geografiya faniga qiziquvchi talabalar uchun "Yosh tadqiqotchi" to'garagi o'z faoliyatini boshlashini ma'lum qiladi. Shu munosabat bilan Geografiya faniga qiziquvchi talabalar mas'ul professor o'qituvchiga murojaat qilishlari mumkin. "Yosh tadqiqotchi" to'garagiga qiziquvchi talabalar to'garak rahbari, kafedra dotsenti Namozov Jo'rabek Abduazizovichga murojaat qilishlari mumkin.
-
- BIZ BILAN BOG‘LANISH
-
-