Tashkil etilgan yili: 2021

Manzil: Toshkent viloyati, Chirchiq davlat pedagogika universiteti, 3-bino, 218-xona.

Nemis tili kafedrasi 2021-yil 27-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Xorijiy tillar” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra 60111900 - Xorijiy til va adabiyoti ta’lim yo‘nalishi (bakalavr bosqichi) hamda 70111801 - Xorijiy til va adabiyoti (nemis tili) magistratura mutaxassisligi uchun nemis tilini o‘qitish bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Nemis tili kafedrasining asosiy vazifasi pedagogik ta’lim innovatsion klasteri vositasida nemis tilini o‘qitish va o‘rganish mexanizmlarini xorijiy tajriba asosida takomillashtirishdan iborat.

Maqsadlarimiz:

✔ nemis tilini o‘qitishda xalqaro dasturlar yutuqlaridan foydalanish (misol uchun, xalqaro dastur sanalmish DLL-Deutsch lehren lernen);

✔ nemis tilini o‘qitish va o‘rganishda madaniyatlararo muloqot kompetensiyasiga asoslanish;

✔ nemis tilini kasbga yo‘naltirilgan tarzda o‘qitishni yo‘lga qo‘yish;

✔nemis tilini raqamlashtirish (digitalizatsiya) asosida o‘qitish va o‘rganishni yo‘lga qo‘yish;

✔ Ilmiy-tadqiqot muhitini rivojlantirish – til o‘rganish va filologik, pedagogik tadqiqotlar bo‘yicha innovatsion markazga aylanish.

O‘QUV DASTURLARI

Kafedra 60111900 - Xorijiy til va adabiyoti ta’lim yo‘nalishi hamda 70111801 - Xorijiy til va adabiyoti (nemis tili) magistratura mutaxassisligida mutaxassislik fanlaridan dars mashgʻulotlari olib boradi.

ILMIY-TADQIQOT YO‘NALISHLARI VA LOYIHALAR

Nemis tili kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Qator yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan. Jumladann, Nemis tili kafedrasi Germaniyaning Haydelberg pedagogika universiteti, Germaniya Federativ Respublikasi Myunster universiteti, Laybnis-Nemis tili ilmiy tadqiqot instituti, Gyote institutlari bilan o‘rnatilgan hamkorlik asosida bir necha marotaba an’anaviy va onlayn dasr mashg‘ulotlari tashkil etildi. Ushbu seminarlarda kafedra professor-o‘qituvchi va talabalar faol ishtirok etishdi.

Kafedradagi 6 nafar magistrantga ilmiy rahbar biriktirilgan. Hisobot yilida kafedra professor o‘qituvchilari hamda magistrlar 15 ta ilmiy maqola (xalqaro OAK ro‘yxatiga kiritilgan jurnalda 5 ta , O‘zR OAK ro‘yxatiga kiritilgan jurnalda 10 ta) va 18 ta ilmiy tezis (3 ta respublika, 15 ta xalqaro) nashr etilgan. Shuningdek, kafedra mudiri Z.I.Sanakulov Chirchiq davlat pedagogika universiteti huzuridagi ilmiy darajalar beruvchi phd.03/30.04.2021.ped.82/01 raqamli ilmiy kengash qoshidagi ilmiy seminar ilmiy kotibi sifatida faoliyat olib bormoqda.

Mazkur ishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

Nemis tili kafedrasi tarkibi

TALABALAR HAYOTI VA TASHKILOTLARI

Talabalarga oid tadbirlar va loyihalar:

ChDPU va Germaniyaning Haydelberg pedagogika universiteti oʻrtasida 2022-yilda 5 yil muddatga imzolangan shartnoma doirasida talabalar akademik almashinuvi yoʻlga qoʻyilgan boʻlib, unda har yili 8 nafar talaba Nemsi tili kafedrasida va ChDPU akademik litseyida, shuningdek, Boʻstonliq tumanida joylashgan 29-sonli maktabda 1 oy davomida amaliyot oʻtash imkoniyati yaratilgan. Shuningdek, ChDPUdan 4 nafar talaba hamkor oliygohga 1 oy muddatga yuboriladi. Ushbu dastur doirasida ular maktabda amaliyot oʻtash va universitet darslarida ishtirok etish imkoniyatiga ega boʻladilar. Hozirgi kunga qadar 20 dan ortiq talabalar universitetimizga tashrif buyurishgan boʻlsa, hamkor oliygohga 10 dan ortiq ChDPU talabalari safar uyishtirishdi.

• Akademik va ijtimoiy tadbirlar:

Nemis tili kafedrasi professor-oʻqituvchilari nomidan 2024-yil 11-oktyabr kuni Chirchiq davlat pedagogika universiteti, Turizm fakultetida boʻlib oʻtadigan “Xorijiy tillarni oʻqitishda kooperativ (hamkorlikdagi) ta’lim” mavzusidagi amaliy-metodik tadbir oʻtkazldi. Unda aynan kafedramiz o‘qituvchilari tomonidan dars jarayonlarida samarali qo‘llanilayotgan innovatsion metod va texnologiyalardan ba’zilarini mehmon amaliyotchi-talabalar hamda Nemis tili ta’lim yo‘nalishi talabalari ishtirokida universitet jamoasi e’tiboriga havola etildi.

• Talabalar uchun grant va stipendiyalar.

ChDPU va Germaniyaning Haydelberg pedagogika universiteti oʻrtasida 2022-yilda 5 yil muddatga imzolangan shartnoma doirasida talabalar akademik almashinuvi yoʻlga qoʻyilgan. Shartnomaga koʻra, ChDPUdan 4 nafar talaba hamkor oliygohga 1 oy muddatga yuboriladi. Ushbu dastur doirasida ular maktabda amaliyot oʻtash va universitet darslarida ishtirok etish imkoniyatiga ega boʻladilar.

Bundan tashqari, Germaniyaning DAAD tashkilotidan e’lon qilingan 1 oylik yozgi til kursi (HSK) stipendiyasini qoʻlga kiritishda doimiy ishlar amalga oshirilmoqda. Jumladan, Germaniyaning akademik almashinuv o‘quv xizmati tashkiloti mas’ul xodimlarininig (DAAD) tashrifini tashkillashtirish (har o’quv yili oktyabr oyida) va OnSET testini universitetda tashkil etish va B1 darajadagi bilimga ega boʻlgan talabalar bilan alohida ishlash hamda kerakli hujjatlarini tayyoralshda koʻmaklashiladi. Natijada hozirgi kungacha 3 nafar talabamiz ushbu stipendiya sohibi boʻlishb, Germaniyada ta’lim olib, oʻz bilim, malaka va koʻnikmalarini rivojlantirishdi.

Haydelberg pedagogika universiteti bilan imzolangan shartnoma doirasida amalaga oshirilgan hamkorligimiz natijasida 2023-2025 yillarga moʻljallangan Germanistische Institutspartnerschaft –GIP (Germanistika institutlari hamkorligi) loyihasi yoʻlga qoʻyildi. Ushbu loyiha doirasida talabalar uchun online va offline mashgʻulotlar tashkil etildi. Shuningdek, loyiha mablag‘lari hisobidan taqdim etilgan stipendiyada Xorijiy til va adabiyot (nemis tili) mutaxassisligi 2-kurs magistranti X.Mamadiyorova gʻolib bo‘ldi va Germaniyada 1 semestr davomida ta’lim olib qaytdi.

XALQARO HAMKORLIK VA AKADEMIK ALMASHINUV DASTURLARI

• Xalqaro hamkor universitetlar.

2022 yilda Nemis tili kafedrasida xorijiy universitetlar va ilmiy markazlar bilan tajriba almashish, oliy ta’limning turli sohalari bo‘yicha o‘zaro manfaatli hamkorlikni yo‘lga qo‘yish, iqtidorli yosh pedagoglarni aniqlash, ularning qobiliyati, ijodiy salohiyatlarini rivojlantirish, kasb malakasini yuksaltirish, rivojlangan demokratik davlatlarning yetuk o‘quv yurtlarida va markazlarida tajriba orttirishiga ko‘maklashish, xorijda malaka oshirayotgan va tajriba orttirayotgan professor-o‘qituvchilarning ta’lim olish jarayoni, shuningdek, o‘qishdan keyingi mehnat faoliyati monitoringini olib borish, ularning ilmiy-pedagogik salohiyatidan samarali foydalanishga ko‘maklashishga alohida e’tibor berib kelinmoqda.

Shu maqsadda xorijiy hamkor oliy o‘quv yurtlari ilg‘or tajribalarini tahlil qilish, hamkorlar bilan Yevropa Ittifoqi dasturlari doirasidagi loyihalar natijalarini amaliyotga joriy qilish, jahon ta’lim sohasida ro‘y berayotgan o‘zgarishlar va yangiliklar jarayoni bo‘yicha axborotlar almashib borish, universitetlar rahbar xodimlari va professor-o‘qituvchilari, katta ilmiy xodim-izlanuvchilar va mustaqil tadqiqotchilarining xorijiy ta’lim va ilmiy muassasalariga safarlari davomida o‘rganib kelgan ilg‘or tajribalarining amaliyotga tadbiq qilinishi bu borada olib borilayotgan ishlarni jadallashtirmoqda. Xorijiy hamkor universitetlar bilan yangi loyihalar, ilmiy izlanishlarda professor-o‘qituvchilar malakalarini oshirish, kafedra o‘quv bazasi va axborot resurs markazlarini rivojlantirishga alohida e’tibor berilmoqda.

Xorijiy hamkor davlatlar bilan ilmiy yo‘nalishda xamkorlik qilish bo‘yicha bugungi kunda 4 ta, jumladan, Germaniyaning Haydelberg pedagogika universiteti, Laybnis-Nemis tili ilmiy tadqiqot instituti, Germaniya Federativ Respublikasi Myunster universiteti va Gyote instituti bilan shartnomalar imzolangan. Ularga ko‘ra professor-o‘qituvchi va talabalar almashinuv xizmati, an’anaviy va masofaviy dars mashg‘ulotlari amalga oshirilmoqda. Jumladan, hozirgi kungacha kafedarmizdan dan 10 ga yaqin professor-o‘qituvchi hamkor universitetlarda an’anaviy va masofaviy kurslardan malaka oshirdilar, ilmiy stajerovka oʻtadilar, 8 nafar talaba esa o‘z pedagogik amaliyotini o‘tab qaytishdi. O‘z navbatida, hamkor universitetidan 20 dan ortiq professor-oʻqituvchilar mahorat darslarini olib borishdi, Haydelberg pedagogika universitetidan 20 dan ortiq talaba Nemis tili kafedrasida amaliyot o‘tashdi

Talabalar va o‘qituvchilar uchun xalqaro konferensiyalar.

O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200 qarori 9- bandida belgilangan topshiriq ijrosini o‘z vaqtida va samaralari bajarilishini ta’minlash maqsadida O‘zbekiston Respublikаsi Oliy ta’lim, fan va innovatsiyalar vazirinig 2024-yil 18-yanvardagi 16-son buyrug‘i bilan tasdiqlangan “O‘zbekiston Respublikasi Oliy ta’lim, fan va Innovatsiyalar vazirligi 2024-yilda o‘tkaziladigan xalqaro va respublika miqyosidagi ilmiy va ilmiy-texnik tadbirlar rejasi”da belgilangan tadbirlarni amalga oshirish maqsadida joriy yil 23-24-april kuni Chirchiq davlat pedagogika universiteti, Turizm fakulteti, Nmeis tili kafedarsi tashabbusi bilan “Zamonaviy filologiya va lingvodidaktikaning dolzarb masalalari” mavzusida Xalqaro miqyosidagi ilmiy-amaliy anjumani o‘tkazildi.

Anjumanning maqsadlari ta’lim-tarbiya jarayonlarida xorijiy filologiyani o‘qitishni yuqori saviyada rejalashtirish, chet tillarni o‘rgatishning hozirgi kundagi roli va ahamiyati hamda undagi dolzarb muammolar va ularni yechish yo‘llarini muhokama qilish, o‘zaro fikr almashish, zamonaviy tilshunoslik sohalarini hozirgi kun nuqtai nazaridan o‘rganish, undagi mavjud muammolarni aniqlashtirish va ularga yechim topish, ta’lim tizimida o‘quv jarayoni va uni boshqarish tizimida qiyosiy filologiya va lingvokulturologiya tadqiq etish, shuningdek xorijda va respublikamizda lingvistika va filologiya sohasida bajarilayotgan ishlar bo‘yicha o‘zaro fikr almashish hamda (yosh) olim, magistrant, doktorant va mutaxassislarning ilmiy-tadqiqot ishlarining sifati va samaradorligini oshirish hisoblanib, ushbu tadbirda xorijlik va Respublika (yosh) tadqiqotchilarning tajribalari muhokama etiladi va ilg‘or texnologiyalardan foydalanish bo‘yicha tavsiyalar yaratiladi hamda onlayn platformalar va dasturiy ta’minotlarni ishlab chiqishni innovativ rivojlantirilishi kutiladi. Shuningdek, Respublikamiz oliy ta’lim muassasalarida xorijiy tillar, xususan, nemis tilini o‘qitish va o‘rganishda kuzatiladigan muammolar va ularning yechimlari bo‘yicha xulosa hamda takliflar tayyorlash maqsad qilinadi.

Anjumanning sho‘ba yig‘ilishlarida respublikamiz va xorijda faoliyat yuritayotgan 30 ga yaqin ilmiy daraja va ilmiy unvonli, 50 ga yaqin yosh o‘qituvchi, bo‘lajak olimlar, tadqiqotchilar onlayn va oflayn ishtirok etishdi. Anjuman doirasida 5 ta sho‘ba ish olib borib, unda jami 130 dan ortiq ma’ruzalar tinglandi. Unda doktorantlar, magistrlar va yosh iqtidorli talaba-yoshlar tomonidan olib borilayotgan ilmiy tadqiqot ishlari muhokama qilindi. Sho‘ba majlislarida eng yaxshi ma’ruza tanlovi o‘tkazilib, g‘oliblar aniqlandi.

Unga ko‘ra, yalpi majlisda o‘z taqdimotlari bilan eng faol ishtirok etgan ishtirokchilar: Leibnits-Nemis tili instituti leksika bo’limi rahbari professor Shtefan Engelberg, Germaniyaning Kyoln universiteti dotsenti Anna Tiks, Olmon-o‘zbek jamiyatining raisi, dotsent Yusuf Ismoilov va boshqa yosh olimlar taqdirlanishdi va tashakkurnomalar berildi.

Anjuman yakunida fakultet kafedralarida iqtidorli talabalar bilan seleksion ishlarni olib borish va ularni istiqbolli ilmiy mavzular bo‘yicha ilmiy-tadqiqot ishlarga jalb etish ko‘lamini yanada kengaytirish hamda yetuk xorijiy pedagogik oliygohlar va ilmiy tadqiqot institutlari bilan hamkorlikda mutaxassislik fanlarini interaktiv usullarda o‘qitilishini tashkil etish, kafedralarning ilmiy to‘garaklarida doimiy sohalarning zamonaviy texnologiyalari bo‘yicha yangiliklarini o‘zlashtirishga kelishib olindi.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Nemis tili kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.

Turizm fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati katta o‘qituvchi Z.I.Shabidinova tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Yakuniy baholash: yakuniy nazorat asosiy ko‘nikmalar bo‘yicha baholanadi.

Kafedra akkreditatsiya va sertifikatlari. Kafedarning barcha o’qituvchilari C1 darajadagi xalqaro va Milliy sertifikatlarga ega.

Xalqaro ta’lim sifati standartlariga mosligi

• Mutaxassoslik fanlari hamda “Ikkinchi xorijiy til (nemis tili)” fani CEFR (Common European Framework of Reference) talablari asosida tuzilgan bo‘lib, o‘quv dasturlari A1 darajadan C1 darajagacha bo‘lgan mavzularni qamrab oladi.
• Bu tizim orqali talabalar xalqaro tan olingan baholash standartlariga mos ravishda bilim oladi, bu esa ularning keyingi bosqichlarda Milliy sertifikat, Goethe Zertifikat, ÖSD, Telc va boshqa shu kabi sertifikatlarga tayyorlanishiga yordam beradi.
• 
  
• Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

TALABALAR HAYOTI

Kafedra qoshida talabalarning nemis tilini chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:

✔Til o‘rganish bo‘yicha interaktiv mashg‘ulotlarda ishtirok etishlari mumkin;
✔Amaliy nutq ko‘nikmalarini rivojlantirish va til bilish darajalarini oshirish imkoniyatiga ega bo‘ladilar;

✔Xalqaro sertifikat olishga tayyorgarlik ko‘rishlari mumkin.

Bu klublar doirasida talabalar ishtirokida turli debatlar, tanlovlar va seminarlar o‘tkazilib, ularning xorijiy til bilimlarini real muhitda rivojlantirish imkoniyati yaratilmoqda.

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Ma’naviy-ma’rifiy tadbirlar
Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “O‘zbekiston – Germaniya” do‘stlik jamiyati hamkorligida Germaniya birligi kuni” – O‘zbekiston OTMlarining nemis tili yo‘nalishida tahsil olayotgan talabalar o‘rtasida “Eng yaxshi PowerPoint taqdimoti” tanlovi.
• “Yoshlar akademiyasi” – O‘zbekiston-Germaniya ta'lim tizimi: malaka, tadrij, taklif" mavzusida debat.
• “Hallo, Deutschland” – akademik litsey o’quvchilari uchun tashkil etlgan tadbir.
• “Nemis tilidagi kitoblar taqdimoti” – Zamonaviy kitoblar taqdimoti
• Milliy bayramlar va qadriyatlar asosidagi tadbirlar.

Ushbu tadbirlar orqali talabalar ijtimoiy va madaniy faolligini oshirish, til ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

KAFEDRA STATISTIKASI VA NATIJALARI

• Bitiruvchilar va ularning ishga joylashish darajasi: Nemis tili kafedarsiga biriktirilgan Xorijiy til va adabiyoti (nemis tili) ta’lim yo’nalishi va magistratura mutaxassisligi boʻyicha 2022-2023-oʻquv yilida 20 ta, 2023-2024-oʻquv yilida 23 ta talaba-magistrant bitirgan boʻlib, ularning hammasi ish bilan ta’minlangan.
• Talabalar soni va o‘quv natijalari: Nemis tili kafedarsiga biriktirilgan Xorijiy til va adabiyoti (nemis tili) ta’lim yo’nalishida 85 nafar talaba va magistratura mutaxassisligida 2 nafar magistrant ta’lim olmoqda.

Ilmiy maqolalar va nashrlar: Hisobot yilida kafedra professor o‘qituvchilari hamda magistrlar 15 ta ilmiy maqola (xalqaro OAK ro‘yxatiga kiritilgan jurnalda 5 ta , O‘zR OAK ro‘yxatiga kiritilgan jurnalda 10 ta) va 18 ta ilmiy tezis (3 ta respublika, 15 ta xalqaro) nashr etilgan.

• BIZ BILAN BOG‘LANISH

• Telegram	Instagram