Tashkil etilgan yili: 2019

“Jismoniy madaniyat va sport” kafedrasi dastlab Toshkent viloyati Chirchiq davlat pedagogika instituti rektorining 2019-yil 27-avgustdagi 01–660-sonli buyrug‘i bilan “Sport va chaqiriqqacha harbiy ta’lim” fakulteti tarkibida “Fakultetlararo jismoniy tarbiya” nomi bilan tashkil etilgan. Chirchiq davlat pedagogika universitetining 2022-yil 29-avgustdagi 01-215- sonli buyrug’i bilan “Jismoniy madaniyat metodikasi” kafedrasiga o’zgartirilgan. Rektorning 2023-yil 27-oktyabrdagi 01-242- sonli buyrug’i bilan “Jismoniy madaniyat metodikasi” kafedrasi o’rniga “Jismoniy madaniyat va sport” kafedrasi etib qayta tashkil etildi. Chirchiq davlat pedagogika universiteti ilmiy kengashining 1-son qarori bilan A.R.Abdulaxatov kafedra mudiri lavozimiga tayinlangan. Bugungi kunda kafedrada 2 nafar Phd, dotsent, 3 nafar katta o’qituvchi, 4 nafar o’qituvchi faoliyat olib bormoqda. Bugungi kunda kafedra mutaxassisligi jismoniy madaniyat bo‘lmagan yo‘nalishlar uchun jismoniy tarbiya fan sifatida o‘qitiladi.

KAFEDRANING MAQSADI VA VAZIFALARI

Kafedraning missiyasi: Jismoniy madaniyat va sport kafedrasining asosiy vazifasi Ilm-fan, taʼlim va innovatsiyalarni rivojlantirish orqali jismoniy madaniyat va sportni boshqarish va rivojlantirish, xorijiy tajriba asosida takomillashtirish.

Maqsadlarimiz:

✔ Xalqaro OTMlari bilan yaqin hamkorlikni yo‘lga qo‘yish, ularning ta‘limdagi yutuqlarini tahlil qilish orqali jismoniy madaniyat ta‘lim sifatini oshirish va kadrlarini tayyorlashda qo‘llash.

✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

O‘QUV DASTURLARI

Kafedra bakalavriat bosqichi talabalariga sog’lomlashtirish sifatida Jismoniy madaniyat va sport fani bo‘yicha darslar olib boradi.

1-kurs (kunduzgi) o‘quv dasturlari

60310300 - Psixologiya – Jismoniy madaniyat va sport

60410800 - Menejment – Jismoniy madaniyat va sport

2-kurs (kunduzgi) o‘quv dasturlari

• 60112300 - Texnologik ta’lim - Jismoniy madaniyat va sport
• 60112200 - Jismoniy madaniyat - Jismoniy tarbiya va sport
• 60112100 - Milliy g’oya, ma’naviyat asoslari va huquq ta’limi
• 60111100 - Tarix - Jismoniy madaniyat va sport
• Barcha ta’lim yo‘nalishlari uchun: Jismoniy madaniyat va sport

4-kurs (sirtqi)  o‘quv dasturlari

• 60112200 - Jismoniy madaniyat - Yengil atletika va uni o’qitish metodikasi

 ILMIY-TADQIQOT YO‘NALISHLARI VA LOYIHALAR

Jismoniy madaniyat va sport kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

Kafedraning ilmiy-tadqiqot yo‘nalishlariga quyidagilar kiradi:

– jismoniy tarbiya, sport mashg‘ulotlari, sog‘lomlashtirish va adaptiv jismoniy tarbiya nazariyasi va metodikasi;

– pedagogika nazariyasi va pedagogik ta’limotlar tarixi.

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda. 

Jismoniy madaniyat va sport kafedrasi tarkibi

SPORT TO’GARAKLARI

Jismoniy madaniyat va sport kafedrasi qoshida BASKETBOL, YENGIL ATLETIKA, sport turlari bo’yicha to’garaklar faoliyati yo’lga qo’yilgan bo’lib, ushbu to’garaklar universititet talabalarining bo’sh vaqtlarini mazmunli o’tkazish, universititet, viloyat, respublika va xalqaro musobaqalarda munosib ishtirok etish uchun qaratilgan. Bundan tashqari talabalarda sog’lom turmush tarzini shakllantirish va sog’ligini mustahkamlashga yordam beradi. Qolaversa, to’garak a’zolari “Universiada”, “Talabalar ligasi”, “Besh tashabbus” sport musobaqalarida universititet sharafini munosib himoya qilib kelishmoqda. 

Kafedra professor-o’qituvchilari tomonidan voleybol, stol tennisi, shaxmat-shashka hamda ilmiy-tadqiqot yo’nalishida ham to’garaklar o’z faoliyatini yo’lga qo’ygan.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Jismoniy madaniyat va sport kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.

Jismoniy madaniyat fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati katta o‘qituvchi O.N. Odilov tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun “Amaliy mashg‘ulot”dan imtihon topshiradilar, bu esa ularning jismoniy rivojlanish ko‘rsatkichlarni tekshirish imkonini beradi.

Yakuniy baholash: yakuniy nazorat asosiy ko‘nikmalar (amaliy va nazariy) bo‘yicha baholanadi.

O‘quv dasturimizga ko‘ra, talabalar 1-yarim yillikda III darajali sportchi razryadiga, 2-yarim yillikda esa II darajali sportchi razryadiga erishishlari lozim.

• Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Jismoniy madaniyat va sport kafedrasi jismoniy tarbiya va sport tizimi yaxshilash, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Chirchiq shahridagi 24-sonli umumiy o‘rta ta’lim maktabi bilan hamkorlik yo‘lga qo‘yilgan.

Kafedra mahalliy hamkorlikni yanada kengaytirish maqsadida yangi loyihalar va tadbirlarni amalga oshirishni rejalashtirmoqda.

XKI (Xalqaro kurash instituti)

Kafedra XKI bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.

Hamkorlik doirasida xorijiy professorlarning ishtirokida mahorat darslari va seminarlar tashkil etilmoqda.

 M.Auezov nomidagi Janubiy Qozog’iston universiteti (Shymkent, Qozog’iston )

M.Auezov nomidagi Janubiy Qozog’iston universiteti bilan hamkorlik aloqalari doirasida ikki tomonlama shartnoma imzolangan.

M.Auezov nomidagi Janubiy Qozog’iston universiteti delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.

Bizning delegatsiya M.Auezov nomidagi Janubiy Qozog’iston universitetiga tashrif buyurib, universitetning ta’lim tizimi bilan tanishgan.

IUTH (Turkiston Xalqaro turizm va mexmonxona universiteti, Turkiston, Qozog’iston) 

IUTH bilan hamkorlik aloqalari doirasida ikki tomonlama shartnoma imzolangan.

IUTH delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.

Bizning delegatsiya IUTHga tashrif buyurib, universitetning ta’lim tizimi bilan tanishgan.

TALABALAR HAYOTI

Kafedra qoshida talabalarning jismoniy tarbiya va sportni chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:

Basketbol sport turidan mashg‘ulotlarda ishtirok etishlari mumkin;

 Yengil atletika sport turidan mashg‘ulotlarda ishtirok etishlari mumkin

Sport turlari bo’yicha murabbiylik sertifikatini olishga tayyorgarlik ko‘rishlari mumkin. Kurash sport turidan mashg‘ulotlarda ishtirok etishlari mumkin

Bu sport to‘garaklar doirasida talabalar ishtirokida turli musobaqalar o‘tkazilib, ularning sport turlari bo’yicha bilimlarini real muhitda rivojlantirish imkoniyati yaratilmoqda.

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

 Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Ma’naviy-ma’rifiy tadbirlar
Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• Jismoniy madaniyat va sport kafedrasi professor o‘qituvchilari tashabbusi bilan 1-2 bosqich talabalari o‘rtasida “Quvnoq startlar ” sport musobaqasi o‘tkazildi- talabalarda sog’lom turmush tarzini shakllantirish;
• Chirchiq davlat pedagogika universiteti G‘ofurjon Muxamedov “Besh tashabbus olimpiadasi” sport musobaqasi g‘olibi Sharipova Shaxrizoda Shuxrat qizi va murabbiyi Boltayev Shamshod Elmurod o’g’li bilan uchrashdi- Chempionlar rektor qabulida;
• ChDPU "Pedagog" sport klubi a'zosi, Jismoniy madaniyat fakulteti 22-2 guruh 3-bosqich talabasi Muxibiddinov Samariddin Dzyudo sport turi bo‘yicha O‘zbekiston chempionatida 1-o‘rinni qo‘lga kiritdi - O‘zbekiston chempioni;
• “14 yanvar - Vatan himoyachilari kuni” munosabati bilan, ChDPU "PEDAGOG" sport klubi, hamda "Jismoniy madaniyat va sport" kafedrasi professor o‘qituvchilari tashabbusi bilan Universitet o‘g‘il bolalari o‘rtasida sportning Shaxmat, Shashka, Stol tennisi turlari bo‘yicha – Mardlar vatanni qo’riqlaydi sport musobaqalari;
•  “Universiada 2025" sport musobaqalari doirasida sportning Stol tennisi turi bóyicha viloyat saralash bosqichi;
• "Universiada 2025" sport musobaqalari doirasida sportning Kurash turi bo‘yicha viloyat bosqichi” – Kurash milliy va umuminsoniy qadriyat;
• “Olimpiya chempionlari bilan uchrashuv ” – Chempionlar izdoshimiz;.
•  Ushbu Respublika va viloyat chempionatlari, tadbirlar orqali talabalar ijtimoiy va madaniy faolligini oshirish, sportdagi mahoratini oshirish va mustahkamlash, ijodiy qobiliyatlarini rivojlantirish imkoniga ega bo‘ladilar

KAFEDRA STATISTIKASI VA NATIJALARI

BIZ BILAN BOG‘LANISH