Chirchiq davlat pedagogika universiteti tuzilmasida Qatagʻon qurbonlari xotirasi muzeyi

Tashkil etilgan yil: 2019-yil

Manzil: Chirchiq davlat pedagogika universiteti 2-bino 113-xona

Muzey haqida umumiy ma'lumot

Oʻzbekiston Respublikasi Vazirlar Mahkamasining 2017-yil 22-noyabrdagi “Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy ta’lim muassasalari tuzilmasida Qatagʻon qurbonlari xotirasi muzeylarini tashkil etish chora-tadbirlari toʻgʻrisida”gi 936-son qarori asosida 2019-yil 18-sentyabr kuni Chirchiq davlat pedagogika universiteti tuzilmasida 

Qatagʻon qurbonlari xotirasi muzeyi ochildi.

QATAG‘ON QURBONLARI XOTIRASI MUZEYI XODIMLARI

Muzeyning maqsadi va vazifalari

Muzey ekspozistiyalari

ChDPU tuzilmasidagi Qatagʻon qurbonlari xotirasi muzeyida ekspozistiyalar mavzu va xronologiyasidan kelib chiqib 8 boʻlimga taqsimlangan.

Ilmiy-tadqiqot va ma’rifiy faoliyat

Chirchiq davlat pedagogika universiteti tuzilmasidagi Qatagʻon qurbonlari xotirasi muzeyi 2024-yil mobaynida asosiy e’tiborini Oʻzbekiston Respublikasi Prezidentining 2020-yil 8-oktyabrdagi “Qatagʻon qurbonlarining merosini yanada chuqur oʻrganish va ular xotirasini abadiylashtirishga doir qoʻshimcha chora-tadbirlar toʻgʻrisida”gi F-5598-sonli farmoyishi “Yoʻl xaritasi”dagi bandlar hamda Oʻzbekiston Respublikasi Prezidentining 2024-yil 19-iyuldagi PQ-270-sonli qarori va siyosiy qatagʻon qurboni boʻlgan yurtdoshlarimizning hayoti va faoliyatini oʻrganish hamda ularning xotirasini abadiylashtirish borasidagi ishlarni kengaytirish boʻyicha chora-tadbirlar “Dasturi”dagi tegishli bandlari, shuningdek, Toshkent viloyati hokimining 2024-yil 29-iyuldagi 542-10-0-Q/24 qarori va qaror ilovalaridagi chora-tadbirlar dasturi boʻyicha tegishli bandlari ijrosini ta'minlashga qaratildi.

Muzey ekspozitsiyalarini yangilash va boyitish yuzasidan Oʻzbekiston Milliy arxivi, Oʻzbekiston Respublikasi Prezidenti Administrasiyasi qoshidagi Toshkent viloyati hokimligi arxivi, Toshkent viloyati davlat arxivi, Fargʻona viloyati davlat arxivi, Fargʻona shahar madaniyati va tarixi muzeyi, Toshkent shahar markaziy davlat arxivida saqlanayotgan mustamlakachilik va sovet davriga oid qatagʻon siyosati bilan bogʻliq arxiv hujjatlari oʻrganildi.

Oʻzbekiston Milliy arxivida saqlanayotgan Turkistondagi 1916-yilgi qoʻzgʻolonga oid I-1 fond, 31-roʻyxat, I-461 fond 1- roʻyxat. Toshkent viloyati va Toshkent shahri hududida mustamlakachilikka qarshi va ozodlik uchun kurashgan vohadoshlarimiz ustidan chiqarilgan hukm qarorlari koʻrib chiqildi.

Oʻzbekiston Respublikasi Bosh prokurorining 2023 yil 11 sentyabridagi 40-F sonli farmoyishi boʻyicha Chirchiq davlat pedagogika universiteti tuzilmasidagi Qatagʻon qurbonlari xotirasi muzeyi xodimlari tomonidan Toshkent shahar markaziy davlat arxivida saqlanayotgan 319 fond (Toshkent shahar prokuraturasi) 1-roʻyxat 1944-1969 yillarga oid hujjatlar koʻrib chiqildi. 2-roʻyxat shaxsiy tarkibga oid buyruqlar (1944-1969.yy) oʻrganildi. 372-fond (S. Rahimov prokuraturasi), 234-fond (Chinoz rayon prokuraturasi), 367-fond (Sergeli rayon prokuraturasi), 368-fond (Xamza rayoni prokuraturasi), 234-fond (Chinoz rayon prokuraturasi) saqlanayotgan yigʻma jildlar bilan ishlandi. Toshkent viloyati davlat arxivining 1255 fondi (Toshkent viloyati prokuraturasi), 738-fond (Toshkent lager sudi), 740-fond (Toshkent viloyat sudi) yigʻma jildlari koʻrib chiqildi.

Fargʻona viloyati davlat arxivi 435-fond bolsheviklarga qarshi kurash olib borgan vatandoshlarmiz xususida va Fargʻona shahar madaniyati tarixi muzeyi fondlarida saqlanayotgan sovet davriga oid arxiv hujjatlari oʻrganildi.

Toshkent viloyati hududida surgun qilinganlar va quloq qilinganlar boʻyicha izlanishlar olib borildi. Natijada Toshkent viloyati davlat arxivi 5-fond (Toshkent okrugi Ishchi-dehqon va qizil-armiya ijroiya qoʻmitasi), 25-fond (Toshkent okrugi Ishchi-dehqon va qizil-armiya ijroiya qoʻmitasi Er boʻlimi) 1-roʻyxatlari koʻrib chiqildi.

Muzey xodimlari tomonidan “Paxta ishi” bo’yicha nohaq jabrlanganlar bo’yicha Pskent tumaniga uyushtirilgan ekspeditsiyasi.

Chirchiq davlat pedagogika universitetida oliy ta’lim muassasalari oʻrtasida oʻtkazilgan “Qatagʻon qurbonlari hayoti va faoliyatiga bagʻishlangan tasviriy san’at asarlari tanlovi”.

Oʻzbekiston Milliy arxivi, Oʻzbekiston Respublikasi Prezidenti adminstrasiyasi arxivi, Toshkent viloyati davlat arxivi, Chirchiq shahar davlat arxivi, DXX arxivi va Oliy sud arxivlarida saqlanayotgan arxiv hujjatlari asosida Toshkent viloyati xotira kitobining I-jildi nashrga tayyorlandi.

Mazkur kitobda Toshkent viloyati boʻyicha 2500 dan ortiq qatagʻonga uchragan yurtdoshlarimizning ismi sharifi kiritildi. Xozirda kitobning II jildi boʻyicha ishlanmoqda.

Muzey xodimlari tomonidan Oʻzbekiston Respublikasi Bosh prokurorining 2023 yil 11 sentyabrdagi 40-F-sonli Farmoyishi ijrosi yuzasidan Prokuratura organlarida faoliyatini olib borgan va mustabid tuzum davrida nohaq ayblangan xodimlarni aniqlash boʻyicha tadqiqot ishlari olib borildi hamda “Tarixiy xotira beqiyos I” va “Tarixiy xotirasi beqiyos II” kitoblarining nashr etilishida faol ishtirok etildi.

Tarixiy xotira beqiyos.1-jild. (Tuzuvchi mualliflar guruhi). – Toshkent: “Encyclopedia world” nashriyoti, 2024. –372 b.

Tarixiy xotira beqiyos. 2-jildi. (Tuzuvchi mualliflar guruhi). – Toshkent: “Encyclopedia world” nashriyoti, 2024. –370 b.

Oʻzbekiston Respublikasi IIVning 2023 yil 27 dekabrdagi 389-son farmoyishiga koʻra mustabid tuzum davrida nohaq qatagʻon qilingan xodimlarga bagʻishlangan “Tarix. Xotira, xulosa va saboqlar” nomli kitob nashr qilinishida qatnashildi.