Tashkil etilgan yili: 2019

Manzil: Toshkent viloyati, Chirchiq davlat pedagogika universiteti, 5-bino, 206-xona.

Texnologik ta’lim kafedrasi 2019-yil 27-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Tasviriy san’at va mehnat” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi.

KAFEDRANING MAQSADI VA VAZIFALARI

Kafedraning missiyasi: Milliy va xalqaro texnologik ta’lim yo‘nalishlarini integratsiyasi

Maqsadlarimiz:

✔Texnologik ta’lim yo‘nalishlarini xalqaro ta’lim andozalariga mos ravishda modernizatsiyalash.

✔Texnologik ta’lim dasturlarini xalqaro TOP 1000 ga kirgan OTMlar dasturiga mos ravishda mazmunan takomillashtirish.

✔Zamonaviy ta’lim texnologiyalari va raqamli texnologiyalari integratsiyasi asosida xalqaro pedagog imidjini shakllantirish

O‘QUV DASTURLARI

Kafedra texnologik ta’lim bakalavriat bosqichi talabalariga mutaxassis fanlari bo‘yicha darslar olib boradi.

1-kurs o‘quv dasturlari

2-kurs o‘quv dasturlari

3-kurs o‘quv dasturlari

ILMIY-TADQIQOT YO‘NALISHLARI VA LOYIHALAR

Texnologik ta’lim kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

— Servis xizmatini o‘qitish metodikasi: Bo‘lajak texnologik ta’lim o‘qituvchilarini pazandachilik bo‘yicha maxsus kompetensiyalarini rivojlantirish hozirgi kunda texnologiya fani oldida turgan dolzarb muommolardan biri hisoblanadi, Servis xizmati yo‘nalishini o‘qitish metodologiyasini rivojlantirish kafedraning ustuvor yo‘nalishlaridan biri hisoblanadi. Servis xizmati yo‘nalishini o‘qitishda maxsus kompetensiyalarni rivojlantishirish masalalarini (M.S.Abdullayeva) ilmiy ishida yoritib kelmoqda.

— Mehnat tarbiyasi va qadriyatlar: O‘quvchilarning mehnat tarbiyasida xalq milliy an’analaridan foydalanish texnologiyalarini takomillashtirish orqali o‘quvchilarni xalq hunarmandchiligi bo‘yicha bilim, ko‘nikma va malakalarini umuminsoniy qadriyatlarni targ‘ib qilish kafedra faoliyatining muhim jihatlaridan biri bo‘lib, Xalq tarbiyasi asosida milliy qadriyatlar va axloqiy ta’lim yo‘nalishida ko‘plab tadqiqotlar olib borilyapti (D.B.Luxmanov).

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

— Texnologik ta’limning boshqaruv mexanizmlari bo‘yicha tadqiqotlar: Umum o‘rta ta’lim maktablarida texnologik ta’lim rivojlantirish va takomillashtirish (AKT) bo‘yicha bir qator ilmiy ishlar olib borilmoqda. (K.K.Matyakubov, M.X.Sayidova).

Texnologik ta’lim kafedrasi tarkibi

ILMIY-TADQIQOT MARKAZ

Kafedra qoshida “Muhandislik texnologiyalari” nomli ilmiy-tadqiqot markazi faoliyati yo‘lga qo‘yilgan bo‘lib, ushbu markaz talabalar, uyushmagan yoshlar va ijtimoiy himoyaga muxtoj oila farzandlariga kasb-hunarga o‘qitish markazi hisoblanadi.

“Muhandislik texnologiyalari” ilmiy-tadqiqot markazining asosiy maqsadi talabalar, uyushmagan yoshlar va ijtimoiy himoyaga muxtoj oila farzandlariga kasb-hunarga va tadbirkorlikka o‘qitishdan iborat.

• “Muhandislik texnologiyalari” ilmiy-tadqiqot markazida quyidagi talabalar yo‘nalishlar bo‘yicha kasb-hunar o‘rgatib kelinmoqda.
• 1. Tokarlik
• 2. Tikuvchilik
• 3. Payvandlash
• 4. Duradgorlik.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Texnologik ta’lim kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.

Jismoniy madaniyat fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati o‘qituvchi J.R.Butunov tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun yozma yoki og`zaki shaklda tekshirish imkonini beradi.

Oraliq nazorat savollari namunasi

Yakuniy baholash: yakuniy nazorat yozma yoki test bo‘yicha baholanadi.

Yakuniy nazorat savollari namunasi

• Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

 Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Texnologik ta’lim kafedrasi kafedrasi texnologiya fani sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari bilan hamkorlik yo‘lga qo‘yilgan.

• Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar texnologiya fani bo‘yicha ilg‘or texnologiylarni targ‘ib qilish, texnologiya fanini o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
• Metodik ko‘mak va tajriba almashish: Hamkor maktablar bilan texnologiya fanini o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning texnologiya fani bo‘yicha bilimlarini rivojlantirishga hissa qo‘shilmoqda.
• O‘quvchilarning kasbiy kompetensiyasini rivojlantirish: Hamkorlik doirasida texnologiya fanini o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning amaliy ishlarni bajara olish malakalarini oshirish, ularga xalqaro baholash tizimlariga tayyorgarlik ko‘rish bo‘yicha tavsiyalar berilmoqda.

Kafedra mahalliy hamkorlikni yanada kengaytirish hamda o‘quvchilarni kasb hunarga yo‘naltirishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

TALABALAR HAYOTI

Kafedra qoshida talabalarning mutaxassislik fanlarinidan tashqari qo‘shimcha kasb o‘rganishlari uchun kasb-hunarga yo‘naltirilgan ijodiy to‘garaklar tashkil etilgan. Ushbu to‘garaklar orqali talabalar:

Kasb-hunar o‘rganish bo‘yicha ijodiy mashg‘ulotlarda ishtirok etishlari mumkin;

Kasbiy ko‘nikmalarini rivojlantirish va hunar egallash darajalarini oshirish imkoniyatiga ega bo‘ladilar;

Qo‘shimcha kasb egallash va tadbirkorlik faoliyatini yo‘lga qo‘yish imkoniyatiga ega bo‘ladilar.

Bu ijodiy to‘garaklar doirasida talabalar ishtirokida turli tadbirlar va ko‘rgazmalar o‘tkazilib, ularning kasbiy ko‘nikmalarini real muhitda rivojlantirish imkoniyati yaratilmoqda.

IJODIY TO‘GARAKLAR FAOLIYATI

TALABALAR ISHTIROKIDA TURLI TADBIRLAR VA KO‘RGAZMALAR O‘TKAZILISHI

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

INDIVIDUAL TA’LIM UCHUN ARIZA TOPSHIRISH

 Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Joriy yilda Texnologik ta’lim kafedrasi o‘qituvchilari J.A.Xamidov hamda M.Yu.Yakubovalar tomonidan talabalarni ilmiy faoliyatga jalb etish maqsadida ilmiy semenarlar tashkil etildi.

TALABALAR VA TADQIQOTCHILARNI ILMIY FAOLIYATGA YO‘NALTIRISH

Xalqaro o‘qituvchi tayyorlash va kasbiy rivojlanish

Texnologik ta’lim yo‘nalish talabalari universitet hamda Respublika miqyosida tanlovlarda faol ishtiroki ta’minlanib kelinmoqda. Jumladan: Yil talabasi 2023 g‘oliblari

Yilning eng tadbirkor talabasi 2023

Yilning eng faol iqtidorli talabasi 2023

Yilning eng tadbirkor talabasi 2024

Ma’naviy-ma’rifiy tadbirlar

Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “Milliy qadriyatlar va ularning millat ma’naviyatidagi o‘rni” – milliy liboslar kuniga bag‘ishlangan tadbir;
• “Konstitutsiya -farovon hayotimiz poydevoriʼ” – ma’naviy ma’rifiy tadbir.
• “Talabalarni bo‘sh vaqtlarini samarali tashkil etish” – talabalar turar joyidagi tadbir

Ushbu tadbirlar orqali talabalar ijtimoiy va madaniy faolligini oshirish, til ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

KAFEDRA STATISTIKASI VA NATIJALARI

BIZ BILAN BOG‘LANISH