Tashkil etilgan yili: 2022

Fakultetlararo ijtimoiy fanlar kafedrasi 2022-yil 28-avgustda Toshkent viloyati Chirchiq davlat pedagogika instituti Kengashining 1-sonli qarori bilan tashkil etilgan. Ilgari “Ijtimoiy fanlar” kafedrasi sifatida faoliyat olib borgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra universitet bo’yicha barcha yo‘nalishlar uchun Falsafa, Dinshunoslik, Mediasavodxonlik va axborot madaniyati va O’zbekistonning eng yangi tarixi fanlarini o‘qitish bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Fakultetlararo ijtimoiy fanlar kafedrasining asosiy vazifasi talabalarning kreativ tafakkurini rivojlantirish hamda tolerantlik muloqot kompetensiyasini shakllantirishdan iborat.

Kafedraning maqsadi:

✔ Kasbiy sohalarga yo‘naltirilgan dasturlar va ilg‘or pedagogik usullar orqali universitet miqyosida ta’lim sifatini oshirish.

✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

✔ Ilmiy-tadqiqot muhitini rivojlantirish – kasb etikasi va notiqlik, pedagogik tadqiqotlar bo‘yicha innovatsion markazga aylantirish.

O‘QUV DASTURLARI

Kafedra bakalavriat bosqichi talabalariga Falsafa, Dinshunoslik, Mediasavodxonlik va axborot madaniyati hamda O’zbekistonning eng yangi tarixi fanlari bo‘yicha darslar olib boradi.

1-kurs o‘quv dasturlari

Barcha ta’lim yo‘nalishlari uchun: – Falsafa, Mediasavodxonlik va axborot madaniyati hamda O’zbekistonning eng yangi tarixi

• 2-kurs o‘quv dasturlari

Barcha ta’lim yo‘nalishlari uchun: Dinshunoslik

ILMIY-TADQIQOT YO‘NALISHLARI VA LOYIHALAR

Fakultetlararo ijtimoiy fanlar kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

— Falsafa fanini o‘qitish metodikasi: Falsafa fani dunyo miqyosida o’qitiladigan fan sifatida uning metodologiyasini rivojlantirish kafedraning ustuvor yo‘nalishlaridan biri hisoblanadi. Falsafa fanini o‘qitishda tafakkur qonunlari va kreativ tafakkurni rivojlantshirish (T.A.Madalimov), tanqidiy fikrlash ko‘nikmalarini rivojlantirish (A.X.Usmanov) va mustaqil ta’limga yo‘naltirilgan yondashuvlarni (T.R.Sunnatov) takomillashtirishga alohida e’tibor qaratilmoqda. Shuningdek, psixolingvistik-ilmiy yondashuvlar asosida ta’lim jarayonini takomillashtirish bo‘yicha ham natijali ishlar amalga oshirildi (R.K.Xaytmetov).

— Dinshunoslik bo‘yicha tadqiqotlar: Kafedraning mazkur yo‘nalishdagi ilmiy izlanishlari milliy va tolerantlik tendensiyalarini o‘rganishga qaratilgan bo‘lib, davlat dasturiga mos ilmiy-seminarlar olib borish (N.M.Koshanova) Jumladan, tojik, rus, va qozoq tilli guruhlarda tahsil oluvchi talabalar o‘rtasida Gumanitar fanlar fakulteti qoshidagi do‘stlik markazlari misolida, yosh tahlilchilar intellektual klubi faoliyatini yo‘lga qo‘yish orqali madaniyatlararo integratsiya jarayonini amalga oshirish (S.K.Eronov). Bugungi yangilanayotgan jamiyatda tolerantlik tendensiyasining genezisi va uning rivojlanish tamoyillari o‘rganilishi boshlandi (L.K.Axatov).

— Eng yangi tarix ma’lumotlari asosida kompetensiyalarni rivojlantirish: Ta’limga oid, zamonaviy texnologiyalardan foydalangan holda, ma’lumotlar bazasini shakllantirish, talabalarning kommunikativ va ijodiy ko‘nikmalarini shakllantirishga qaratilgan tadqiqotlar kafedraning bugungi ustuvor yo‘nalishlaridan biri sanaladi. Eng Yangi tarix ma’lumotlarining fanga oid innovatsion va ijodiy yondashuvlarini talabalarga mustaqil fikrlash ko‘nikmalari orqali rivojlantirishni yo’lga qo’yish (U.X.Yo’ldoshev, F.Sh.Ilmurodova, M.X.Sa’dullayeva, X.M.Yakubov).

— Mediasavodxonlik bo’yicha kommunikatsiya va muloqotlar: mediasavodxolikning muhim aspekti bu madaniyatlararo muloqot kompetensiyasini rivojlantirish va umuminsoniy qadriyatlarni targ‘ib qilish. Bu borada kafedra faoliyatining muhim jihatlarini, jahon OAV yordamida yoritiladigan axborotlar bazasini, milliy mentalitet va milliy qadriyatlar, axloqiy ta’lim yo‘nalishida ko‘plab tadqiqotlarni amalga oshirish (Sh.N.Miraxmedova, L.Dj.Tuganova, D.N.Abdullayeva, D.Sh.maxkamov, R.A.Toshtemirov).

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilib kelmoqda.

Fakultetlararo ijtimoiy fanlar kafedrasi tarkibi

ILMIY-METODIK MARKAZ 

Kafedra qoshida “Yosh tahlilchilar intellektual” klub faoliyati yo‘lga qo‘yilgan bo‘lib, ushbu klub universitet miqyosidagi barcha yo‘nalishlarda tahsil oluvchi talabalar, magistrantlar hamda doktorantlar tafakkur taraqqiyoti va ilmiy salohiyatini oshirishga qaratilgan. Klub doirasida ilmiy seminarlar, tajriba almashish dasturlari va maqola yozishga oid innovatsion loyihalar amalga oshirilmoqda. Shuningdek, o‘qituvchilar va tadqiqotchilar uchun ilmiy-metodik qo‘llanmalar ishlab chiqish, xalqaro grant-loyihalarida ishtirok etish ham klubning asosiy faoliyat yo‘nalishlaridan biri sanaladi.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Fakultetlararo ijtimoiy fanlar kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Gumanitar fanlar fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Fakultetlararo ijtimoiy fanlar kafedrasining ichki nazorati f.f.f.d (PhD) Tashmetov Tuxtasin Xudoyberganovich tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

 Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida, 5 bahoda amalga oshiriladi.

Oraliq baholash: talabalar oraliq nazorat uchun “Yozma va test” orqali baholanadilar, bu esa ularning bilim ko‘nikmalarini tekshirish imkonini beradi.

Yakuniy baholash: yakuniy nazorat asosiy ko‘nikmalar (Test va yozma) shaklida baholanadi.

Xalqaro ta’lim sifati standartlariga mosligi

• “Falsafa” fani Xalqaro universitetlar (Kambredj, Oхford va h.k) talablari asosida tuzilgan fan dastuurlaridagi mavzular bilan uyg‘unligini ta’minlash.
• Bu tizim orqali talabalar xalqaro tan olingan baholash standartlariga mos ravishda bilim oladi, bu esa ularning keyingi bosqichlarda kredit-modul va boshqa shu kabi tizimlarga tayyorlanishiga yordam beradi.
• 
  
• Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Fakultetlararo ijtimoiy fanlar kafedrasi iqtidorli va salohiyatli talabalarni saralash, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari bilan hamkorlik yo‘lga qo‘yilgan.

• Oflayn seminarlar: Kafedra o‘qituvchilari tomonidan haftaning ma’lum belgilangan vaqtida, darsdan bo‘sh vaqtlari o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy lingvodidaktik yondashuvlarni targ‘ib qilish, xorijiy til o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
• Metodik ko‘mak va tajriba almashish: Hamkor maktablarida gumanitar fanlarni o‘qitish metodikasi bo‘yicha maslahat va treninglar muntazam tashkil etilib, o‘quvchilarning fanga oid bilimlarini rivojlantirishga hissa qo‘shilmoqda.
• O‘quvchilarning notiqlik-kasb etkasini rivojlantirish: Hamkorlik doirasida kasb etikasi va o‘qituvchi muloqot odobini o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning notiqlik san’ati ko‘nikmasini oshirish bo‘yicha tavsiyalar berilmoqda.

TALABALAR HAYOTI

Kafedra qoshida talabalarning fanlarni yanada chuqurroq o‘rganishiga yo‘naltirilgan “Yosh tahlilchilar intellektual klubi” tashkil etilgan. Ushbu klub orqali talabalar:

✔ “Fan bilimdoni” nomi ostida tanlov-mashg‘ulotlarida ishtirok etishlari mumkin;
✔Amaliy nutq ko‘nikmalarini rivojlantirish va fan(lar)ga oid bilim darajalarini oshirish imkoniyatiga ega bo‘ladilar;

Bu klublar doirasida talabalar ishtirokida turli debatlar, tanlovlar va seminarlar o‘tkazilib, ularning bilimlarini real muhitda rivojlantirish imkoniyati yaratilmoqda.

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Ma’naviy-ma’rifiy tadbirlar
Fakultetlararo ijtimoiy fanlar kafedrasi qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “Zakovat – Iquiz bilimdonlari” – Fan bilimdoni madaniy tadbir;
• “Vatan yagona – Burch muqaddas” – Talaba yoshlarni vatanparvarlik ruhida tarbiyalash.
• “TTJ – kafedra nigohida”– talabalar turar joyida tadbirlar.

Ushbu tadbirlar orqali talabalar ijtimoiy va madaniy faolligini oshirish, tafakkur tarzini mustahkamlash va ijodiy qobiliyatlarini rivojlantirish imkoniga ega bo‘ladilar.

KAFEDRA STATISTIKASI VA NATIJALARI

Manzil: Chirchiq davlat pedagogika universiteti, Lomonosov ko’chasi, 6-o’quv binosi, A bino 305-xona.

• BIZ BILAN BOG‘LANISH 
  • Telegram

•