Tashkil etilgan yili: 2022

Manzil:  Chirchiq shahar, Amir Temur ko‘chasi, 104-uy, Bosh bino, 4-qavat, 407-xona.

Menejment kafedrasi 2022-yil 29-iyuldagi Chirchiq davlat pedagogika universiteti Kengashining 19-sonli qaroriga muvofiq “Pedagogika va menejment” kafedrasi tarkibidan ajralib chiqqan.

KAFEDRANING MAQSADI VA VAZIFALARI

Kafedraning missiyasi: Respublika uzluksiz ta’lim tizimi muassasalari uchun mutaxassis kadrlar tayyorlash.

Maqsadimiz:

✔ “Ta’lim muassasalarini boshqarish” yo‘nalishida raqobatbardosh mutaxassis kadrlarni tayyorlash va amaliyotga yo‘llash.

O‘QUV DASTURLARI

• 60410800 - Menejment yo‘nalishi 1 – 2 kurs uchun o‘quv dasturlar: 
• Akademik ko‘nikmalar va kasbiy kompetentlik;
• Biznesga kirish;
• Ekonometrika;
• Innovatsion menejment;
• Iqtisodiy tahlil;
• Iqtisodiy xavfsizlik;
• Iqtisodiyot nazariyasi;
• Iqtisodiyotda axborot-kommunikatsion texnologiyalar va tizimlar;
• Ishlab chiqarish menejmenti;
• Ishlab chiqarish texnologiyalari;
• Marketing;
• Menejmentga kirish;
• Mikroiqtisodiyot;
• Moliya;
• O‘rta Osiyoda bozor nazariyasi va tajribasi;
• Operatsion menejment;
• Sifat menejmenti;
• Statistika;
• Strategik menejment;
• Tadqiqot usullari va ko‘nikmalari;
• Tashkiliy xulq;

• 60112500 – Maktab menejmenti 3 –4 kurs uchun o‘quv dasturlar:
• Ta’lim menejmenti;
• Iqtisodiy bilim asoslari;
• Maktab menejmenti;
• Marketing asoslari;
• Ta’lim menejmentini o’qitish metodikasi;
• Innovatsion iqtisodiyot asoslari;
• Chet el ta’lim tizimida menejment;
• Mikroiqtisodiyot va makroiqtisodiyot;
• Tadbirkorlik asoslari;
• Strategik menejment;
• Maktabda personal boshqaruv;

ILMIY-TADQIQOT YO‘NALISHLARI VA LOYIHALAR

Menejment kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

Menejment yo‘nalishi talabalarini boshqaruv faoliyatiga tayyorlash qobiliyatlarini rivojlantirish texnologiyalari bo’yicha olib borilayotgan tadqiqotlar: Menejmentni o‘qitish metodologiyasini rivojlantirish kafedraning ustuvor yo‘nalishlaridan biri hisoblanadi. Ta’lim klasteri sharoitida talabalarning boshqaruv kompetensiyalarini rivojlantirish metodikasi (Maktab menejmenti misolida) (D.A.Sultanova), Oliy talim tizimini modernizatsiyalash jarayonida talabalarning boshqaruv kompetensiyalarini rivojlantirish mexanizmlari (A.Rasulov)

Talabalarning iqtisodga oid bilimlarini rivojlantirish metodikasi bo’yicha olib borilayotgan tadqiqotlar: Kafedraning mazkur yo‘nalishdagi ilmiy izlanishlari milliy va xalqaro adabiy merosni o‘rganishga qaratilgan. Jumladan, innovatsion texnologiyalar asosida “Tadbirkorlik asoslari” fanini o‘qitish metodikasini takomillashtirish (K.Xurramov). “Buyuk mutafakkirlarning falsafiy qarashlari asosida talabalarning tejamkorlik ko‘nikmalarini rivojlantirish metodikasi” (A.Suyarov) bo‘yicha ilmiy tadqiqot ham boshlab yuborilgan.

Talabalarning individual ta’lim traektoriyasi asosida boshqaruv kompetensiyalarini rivojlantirish texnologiyasi bo‘yicha olib borilayotgan tadqiqotlar: Ta’lim klasteri sharoitida zamonaviy o‘qituvchi nufuzini oshirishda shaxsga yo‘naltirilgan ta’lim metodikasini takomillashtirish (I.Xakimova) Oliy ta’lim muassasalari talabalarini kasbiy faoliyatga tayyorgarligi kompetensiyaviy yondashuv asosida rivojlantirish texnologiyalari (I.Yunusova) Umumta’lim maktablari o‘qituvchilarining innovatsion pedagogik faoliyatini individual yondashuv asosida rivojlantirish metodikasi (G.Tirkasheva). Talabaning ta‘lim sohasidagi shaxsiy imkoniyatlarini amalga oshirishda individual ta’lim eng samarali texnologiyalardan biri bo’lib hisoblanmoqda.

Menejment o‘qitish metodikasini takomillashtirishda loyihalash texnologiyalari: Talabalarning boshqaruv va kommunikativ qobiliyatlarini shakllantirishga qaratilgan tadqiqotlar kafedraning muhim ustuvor yo‘nalishlaridan biri bo‘lib kelmoqda. (D.Sultanova, I.Xakimova, K.Xurramov, A.Suyarov, B.Rustamov). Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

Menejment kafedrasi tarkibi

Kafedraning ilmiy xodimlari

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Menejment kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Pedagogika fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati o‘qituvchi D.A.Sultanova tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun yozma imtihon topshiradilar

Yakuniy baholash:  talabalar fanlardan yakuniy ballarini bilishlari uchun yozma ravishda imtihon topshiradilar va o’z bilim darajalarini aniqlan oladilar.

Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Menejment kafedrasi ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Chirchiq shahar umumiy o’rta ta’lim maktablari bilan hamkorlik yo‘lga qo‘yilgan.

• Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy menejerlik yondashuvlarni targ‘ib qilish, o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
• Metodik ko‘mak va tajriba almashish: Hamkor maktab va kasb-hunar maktablarida iqtisodiy bilim asoslari va tadbirkorlik asoslarini o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning fan bilimlarini rivojlantirishga hissa qo‘shilmoqda.

Kafedra mahalliy hamkorlikni yanada kengaytirish hamda ta’lim jarayonini tashkil etishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

UPI (Universitas Pendidikan Indonesia, Indoneziya)

UPI bilan hamkorlik aloqalari doirasida ikki tomonlama shartnoma imzolandi.

UPI delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.

Bizning delegatsiya UPIga tashrif buyurib, universitetning ta’lim tizimi bilan yaqindan tanishdilar.

TALABALAR HAYOTI

Kafedra qoshida talabalarning menejerlik qobiliyatlarini yanada rivojlantirishga yo‘naltirilgan to‘garaklar tashkil etilgan. Ushbu to‘garaklar orqali talabalar:

To’garakning asosiy vazifalari - talabalarda menejment asoslari hisoblangan innovatsion jarayonlarni boshqarish xalqaro baholash dasturlari va tajribaviy tashkil etish va menejmentga doir bilimlar tizimlari va kasbiy kompitentsiyalarni shakllantirishdan iborat.

Bu klublar doirasida talabalar ishtirokida turli debatlar, tanlovlar va seminarlar o‘tkazilib, ularning xorijiy til bilimlarini real muhitda rivojlantirish imkoniyati yaratilmoqda.

To‘garakning faoliyatidan kutiladigan natija:

1 Talabalar boshqaruv fanlaridan bilim va ko’nikmalarini shakllantirish , boshqaruv fanlaridan mustaqil fikrlay olish, labaratoriya jarayonlarini tushunish, boshqaruv fanidan mustaqil ishlay olish va pedagok mahoratini shakllantirish;

2 Tarbiyaviy ishlarni rejalashtirishning nazariy asoslari va metodikasi;

3 Tarbiyaviy faoliyat mazmuni sohasidagi yutuqlari shuningdek, turli o’quvchilarning darsdan tashqari faoliyatini tashkil etish va o’tkazish texnalogiyasi haqidagi bilimga ega bo’lishi;

4 Ta'limdagi innovatsion jarayonlarni loyihalash;

5 Ta'lim -tarbiyaning innovatsion shakl, metod va vositalarini joriy etish;

6 Ta'limdagi innovatsion jarayonlarni dasturiy texnologik ta'minotini ishlab chiqish;

7 Ta'lim muassasida tadqiqotni o’tkazishga tayyorgarlik ko’rish va o’tkazish;

8 Test jarayonini o’tkazish va nazorat qilish;

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Ma’naviy-ma’rifiy tadbirlar
Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “21-oktyabr “O‘zbek tiliga davlat tili maqomi berilgan kun” munosabati bilan o’tkazilgan tadbir;
• “Zakovat” intellektual o’yini;
• “Yosh iqtisodchilar” tadbiri;
• “Magʻrur hilpirayver, Vatan bayrogʻi” tadbiri kabi bir qator ma’naviy – ma’rifiy tadbirlar tashkil etildi.

Ushbu tadbirlar orqali talabalar ijtimoiy va madaniy faolligini oshirish, til ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

BIZ BILAN BOG‘LANISH