Tashkil etilgan yil: 2023

Manzil: Toshkent viloyati, Chirchiq davlat pedagogika universiteti, 3-bino, 217-xona.

Turizm fakulteti “INGLIZ TILI NAZARIYASI VA AMALIYOTI” kafedrasi Chirchiq davlat pedagogika universiteti 2023 avgustdagi 1-sonli qarori va shu qaror ijrosi bo‘yicha universiteti rektorining 2023 yil 27 oktabrdagi “Universitet tarkibiy tuzilmasiga o‘zgartirish kiritish to‘g‘risida”gi 01-242-sonli buyrug‘i asosida Turizm fakulteti tarkibidagi «Ingliz tili» kafedrasi negizida tashkil etildi.

KAFEDRANING MAQSADI

• Ingliz tilini o‘qitishning innovatsion metodlaridan foydalangan holda nofilologik va mutaxassislik yo‘nalishlari bo‘yicha professor-o‘qituvchilar hamda xorijiy til va adabiyoti (ingliz tili) yo‘nalishi talabalarining muloqot ko‘nikmalari va kasbiy kompetensiyalarini rivojlantirish.

Kafedraning vazifalari

• Ingliz tili va adabiyotini o‘qitish metodikasi bilan bog‘liq fanlarni o‘qitish.
• O‘quv dasturlari va materiallarini ishlab chiqish.
• Amaliy mashg‘ulotlar va malaka oshirish kurslarini tashkil etish.
• Ingliz tilini o‘qitish metodikasi bo‘yicha ilmiy tadqiqotlar olib borish.
• Ta’lim muassasalari, xorijiy universitetlar va ilmiy markazlar bilan hamkorlik o‘rnatish.
• Ingliz tilini o‘qitishda zamonaviy texnologiyalardan foydalanish.

O‘QUV DASTURLARI

Ingliz tili nazariyasi va amaliyoti kafedrasi bakalavriat bosqichi talabalariga xorijiy til va adabiyoti, maktabgacha va boshlang‘ich ta’limda xorijiy til (ingliz tili) yo‘nalishlari bo‘yicha chuqur nazariy va amaliy bilim beradi. Shuningdek, turizm sohasi vakillari va tarjimashunoslik bilan shug‘ullanuvchilar uchun maxsus darslar olib boradi.

Bakalavriat:

ILMIY-TADQIQOT YO‘NALISHLARI

Kafedramiz ilmiy-tadqiqot faoliyati zamonaviy lingvistika, adabiyotshunoslik va xorijiy tillarni o‘qitish metodikasi kabi muhim yo‘nalishlarni qamrab oladi. Tadqiqotlarimiz xorijiy tilni o‘qitish jarayonining samaradorligini oshirish, intertekstual yondashuvlarni o‘rganish hamda talabalarning lingvistik va kommunikativ kompetensiyalarini rivojlantirishga yo‘naltirilgan.

Xususan, dissertatsiya mavzularimiz turli ilmiy muammolarni qamrab olib, quyidagi sohalarda tadqiqotlar olib boriladi:

• Adabiyotshunoslik va intertekstual tahlil: Fantastika janrida intertekstual innovatsiyalarni o‘rganish (J.K. Rowling, J.R.R. Tolkien va D. Emezi asarlari misolida).
• Xorijiy til o‘qitish metodikasi: Talabalarda grammatika interferensiyasining oldini olish, nutqiy ko‘nikmalarni shakllantirish, lingvomadaniy yondashuv hamda o‘yin texnologiyalari asosida xorijiy tilni o‘rgatish strategiyalarini takomillashtirish.
• Kasbiy chet tilini o‘qitish: Turizm va iqtisodiyot sohasi talabalariga xorijiy tilni kasbiy yo‘nalishga mos ravishda o‘qitish metodikasini ishlab chiqish.
• Ingliz tilini interaktiv o‘qitish: Internet makonidan samarali foydalanish, flipped classroom metodi va role play kabi zamonaviy pedagogik texnologiyalar orqali til o‘rgatish usullarini takomillashtirish.
• Lingvistik tadqiqotlar: Nutqning adabiy va noadabiy shakllarini interfaol o‘yinlarda o‘rgatish, shuningdek, ingliz, rus va qozoq tillarida hissiyot ifodalarining qiyosiy tahlili.

Ushbu yo‘nalishlar zamonaviy pedagogika va lingvistika fanlari rivojiga hissa qo‘shish bilan birga, til o‘rganish jarayonini innovatsion usullar bilan boyitish imkoniyatini beradi.

KAFEDRA RAHBARIYATI VA PROFESSOR-O‘QITUVCHILAR TARKIBI

ILMIY TADQIQOTLAR VA INNOVATSION LOYIHALAR

Ilmiy laboratoriyalar va markazlar:

Kafedramiz ilmiy tadqiqotlar va innovatsion loyihalar orqali ta’lim jarayonining sifatini oshirishga, yangi pedagogik texnologiyalarni joriy etishga hamda zamonaviy ilmiy yondashuvlarni amaliyotga tatbiq etishga intiladi.

Ushbu yo‘nalishda InnoQuestLab laboratoriyasi muhim o‘rin tutadi. Ushbu zamonaviy ilmiy laboratoriya:

• Talabalarning ingliz tiliga bo‘lgan qiziqishini oshirish;
• Chet tilini o‘rganishda interaktiv va tajriba asosidagi yondashuvlarni tatbiq etish;
• Zamonaviy pedagogik texnologiyalar va innovatsion usullardan foydalangan holda ta’lim samaradorligini oshirishga qaratilgan.

Shuningdek, laboratoriya doirasida o‘qituvchilar va talabalarning ilmiy-ijodiy loyihalari, xalqaro konferensiyalar, seminarlar va tajriba almashinuvi dasturlari muntazam ravishda tashkil etiladi. Bu kabi ilmiy va innovatsion tashabbuslar xorijiy til ta’limini yanada sifatli va qiziqarli qilishga xizmat qiladi.

Professor-o‘qituvchilarning ilmiy faoliyati.

Professor-o‘qituvchilarning ilmiy faoliyati ta’lim va fan sohasining rivojlanishiga katta hissa qo‘shadi:

• Ilmiy tadqiqotlar – professor-o‘qituvchilar o‘z sohalarida dolzarb muammolarni o‘rganib, yangi nazariy va amaliy yechimlar taklif qiladilar. Ularning ishlari ilmiy jurnallarda chop etiladi, xalqaro va mahalliy konferensiyalarda taqdim etiladi.
• Monografiya va maqolalar yozish – o‘qituvchilar ilmiy-nazariy ishlanmalarini kitoblar, darsliklar va maqolalar shaklida nashr etadilar. Bu esa nafaqat ularning shaxsiy rivojlanishiga, balki ilmiy bilimlarning jamiyatga yetib borishiga ham xizmat qiladi.
• Innovatsion ishlanmalar – ilmiy faoliyat davomida professor-o‘qituvchilar yangi texnologiyalar, pedagogik metodlar va ilmiy yondashuvlarni ishlab chiqadilar. Bu yangiliklar ta’lim jarayonini samarali tashkil etishga yordam beradi.
• Talabalarga ilmiy rahbarlik qilish – professor-o‘qituvchilar magistr va doktorantlarga ilmiy tadqiqotlar olib borishda yo‘nalish ko‘rsatadilar, ularga ilmiy ish yozish va tadqiqot olib borish bo‘yicha maslahatlar beradilar.
  • Ilmiy loyihalarda ishtirok etish – ular davlat va xalqaro grant loyihalarida qatnashib, ilmiy izlanishlarini moliyalashtirish hamda tadqiqotlarini kengaytirish imkoniyatiga ega bo‘ladilar.

• Talabalar ilmiy faoliyati.

  Talabalarning ilmiy faoliyati ularning kasbiy va ilmiy rivojlanishida muhim ahamiyatga ega. Bu jarayon nafaqat bilim olish, balki mustaqil fikrlash, tadqiqot olib borish va yangilik yaratish ko‘nikmalarini shakllantirishga yordam beradi. Ilmiy faoliyat bilan shug‘ullangan talabalar o‘z sohasi bo‘yicha chuqur bilim va tajribaga ega bo‘ladilar.

  Ilmiy nashrlar va jurnallar

  Universitetlar nafaqat ta’lim berish markazi, balki akademik va madaniy hayotni yorituvchi nashrlar orqali ham bilim va fikr almashish maydoni hisoblanadi. Universitet tomonidan nashr etiladigan jurnallar, xususan, English Language Theory and Practice TIME, universitet hayoti, ta’lim jarayoni va undagi yangiliklarni aks ettiruvchi muhim axborot vositasidir.

  Bu kabi jurnallar talaba va professor-o‘qituvchilarning o‘quv jarayonidagi tajribalari, turli loyihalar, seminar va konferensiyalar, muhim akademik hamda madaniy tadbirlar haqida keng ma’lumot beradi. Jurnal universitetning ichki hayotini hujjatlashtiradi, o‘zgarish va yutuqlarni ommaga taqdim etadi hamda ilm-ma’rifatga oid dolzarb mavzularni yoritadi.

  English Language Theory and Practice TIME singari nashrlar universitet jamoasi uchun nafaqat axborot manbai, balki fikr almashish, yangiliklardan xabardor bo‘lish va ta’lim jarayonida yuz berayotgan o‘zgarishlarni kuzatish imkoniyatini yaratadi. Bunday nashrlar orqali universitet madaniy va akademik hayoti yanada jonlanib, ta’lim muhitining nufuzini oshiradi.

  TALABALAR HAYOTI

  Kafedra qoshida talabalarning ingliz tilini chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:

  • Til o‘rganish bo‘yicha interaktiv mashg‘ulotlarda ishtirok etishlari mumkin;
  • Amaliy nutq ko‘nikmalarini rivojlantirish va til bilish darajalarini oshirish imkoniyatiga ega bo‘ladilar;
  • Xalqaro sertifikat olishga tayyorgarlik ko‘rishlari mumkin;
  • Qiziqarli “quest” tanlovlarda qatnashishi;
  • Ingliz tilidagi bilim va ko‘nikmalarini innovatsion yo‘llar orqali oshirishi;
  • Universitet hayotiga doir va ilimiy maqolalar yozib ko‘rishlari mumkin.
  • 
  • 
  • Bu klublar doirasida talabalar ishtirokida turli debatlar, “quest” tanlovlar va seminarlar o‘tkazilib, ularning xorijiy tildagi bilimlarini real muhitda rivojlantirish imkoniyati yaratilmoqda.

    Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin.

    INDIVIDUAL TA’LIM UCHUN ARIZA TOPSHIRISH

     

    Ilmiy faoliyatga yo‘naltirish

    Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

    Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

  • TALABALARNI VA TADQIQOTCHILARNI ILMIY FAOLIYATGA YO‘NALTIRISH
    

    
    

    LOYIHALAR
    English language theory and practice department Time journal - Talabalar, o‘qituvchilar va xodimlarning ingliz tili nazariyasi va amaliyoti sohasida o‘z fikr-mulohazalari, tajribalari va ilmiy yutuqlarini ommalashtirish, qiziqarli maqolalar, intervyular, insholar va boshqa ijodiy tanlovlar orqali talabalarning iste’dodini aniqlash va yutuqlarini aks ettirish hamda soha vakillari bilan hamkorlik o‘rnatish.
    TalkTime – Xorijiy Til O‘rganishda Innovatsion Yondashuv Zamonaviy ta’lim jarayonida xorijiy tilni o‘rganish nafaqat nazariy bilimlarni o‘zlashtirish, balki amaliy muloqot orqali mustahkamlashni talab qiladi. Aynan shu ehtiyojni inobatga olgan holda, TalkTime loyihasi ishlab chiqildi. Ushbu loyiha xorijiy tilni o‘rganishni takomillashtirish va maktab o‘quvchilari uchun virtual suhbatdosh yaratish orqali o‘quv jarayoniga innovatsion yondashuvni joriy etishni maqsad qilgan. Mazkur loyiha til o‘rganishda innovatsion yechimlarni taklif etib, o‘quvchilarga nafaqat bilim, balki jonli tajriba ham taqdim etadi. TalkTime bilan xorijiy tillarni o‘rganish yanada oson, samarali va qiziqarli bo‘ladi.

     

    HAMKORLIK ALOQALARI

    Ingliz tili nazariyasi va amaliyoti kafedrasi xorijiy til ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati Chirchiq shahar umumiy o‘rta ta’lim maktablari hamda Parkent tumani o‘rta ta’lim maktablari bilan hamkorlik yo‘lga qo‘yilgan.

    • Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy lingvodidaktik yondashuvlarni targ‘ib qilish, xorijiy til o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
    • Metodik ko‘mak va tajriba almashish: Hamkor maktab va kasb-hunar maktablarida ingliz tili o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning ingliz tili bilimlarini rivojlantirishga hissa qo‘shilmoqda.
    • O‘quvchilarning lingvistik kompetensiyasini rivojlantirish: Hamkorlik doirasida xorijiy tilni o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning til bilish darajasini oshirish, ularga xalqaro baholash tizimlariga tayyorgarlik ko‘rish bo‘yicha tavsiyalar berilmoqda. Kafedra mahalliy hamkorlikni yanada kengaytirish hamda til o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.
    • 
      UPSI (Universitas Pendidikan Sultan Idris, Malayziya)
    • Kafedra UPSI bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.
    • Hamkorlik doirasida xorijiy professorlarning ishtirokida mahorat darslari va seminarlar tashkil etilmoqda.

  • UPI (Universitas Pendidikan Indonesia, Indoneziya)

    • UPI bilan hamkorlik aloqalari doirasida ikki tomonlama shartnoma imzolangan.
    • UPI delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.
    • Bizning delegatsiya UPIga tashrif buyurib, universitetning ta’lim tizimi bilan tanishgan. 
    • Ushbu hamkorlik doirasida “Research Methodology” va “Guest Lecturer” kabi loyihalar amalga oshirilmoqda.
    • 
      KAFEDRANING TA’LIM SIFATI VA BAHOLASH TIZIMI
    • 
      Kafedraning ta’lim sifati va baholash tizimi oliy ta’lim muassasasining asosiy tarkibiy qismlaridan biri bo‘lib, ta’lim jarayonining samaradorligini oshirish va talabalar bilimini adolatli baholashda muhim rol o‘ynaydi. Kafedrada o‘qituvchilar darslarini baholash maqsadida anonim so‘rovnoma tizimi joriy etildi. Ushbu anonim kanal orqali to‘plangan ma’lumotlar muntazam tahlil qilinib, kamchilik va yutuqlari muhokama qilinadi va takliflar kiritiladi.
    • 
      Xalqaro ta’lim sifati standartlariga mosligi:
  • 
    “Xorijiy til (ingliz tili)” fani CEFR (Common European Framework of Reference) talablari asosida tuzilgan bo‘lib, o‘quv dasturlari B2 darajadan C1 darajagacha bo‘lgan mavzularni qamrab oladi.
  • Bu tizim orqali talabalar xalqaro tan olingan baholash standartlariga mos ravishda bilim oladi, bu esa ularning keyingi bosqichlarda Milliy sertifikat, IELTS, TOEFL va boshqa shu kabi sertifikatlarga tayyorlanishiga yordam beradi.
  • 
    

    Talabalar fikr-mulohazalari va anonim kanal:

    Zamonaviy ta’lim tizimi nafaqat bilim berishga, balki talabalarning fikr-mulohazalarini inobatga olib, ta’lim jarayonini doimiy takomillashtirishga ham yo‘naltirilgan. Universitetlar va kafedralar o‘quv jarayonining samaradorligini oshirish uchun talabalar bilan ochiq muloqot o‘rnatish, ularning ehtiyoj va takliflarini tinglashga alohida e’tibor qaratmoqda. Shu maqsadda, kafedrada talabalar fikrini baholash va ularni ochiq-oshkora ifodalash imkonini beruvchi anonim so‘rovnoma tizimi yo‘lga qo‘yildi. Ushbu anonim kanal orqali yig‘ilgan ma’lumotlar muntazam ravishda tahlil qilinib, talabalar ehtiyoj va istaklariga mos keluvchi innovatsion o‘zgarishlar amalga oshiriladi. Barcha fikr-mulohazalar har tomonlama ko‘rib chiqiladi va ularning asosiy jihatlari kafedra faoliyatini takomillashtirish jarayoniga tatbiq etiladi.

    Ta’lim jarayonida ta’lim sifatini baholash.

    Ta’lim sifati nafaqat professor-o‘qituvchilar va talabalar uchun, balki jamiyatning intellektual salohiyati va mamlakat taraqqiyoti uchun ham muhim ahamiyat kasb etadi. Baholash jarayoni quyidagi asosiy maqsadlarga xizmat qiladi:

    • Ta’lim samaradorligini aniqlash – o‘quv dasturlarining dolzarbligini va ularning real natijalarini tekshirish.
    • Talabalarning bilim va ko‘nikmalarini baholash – nazariy va amaliy bilimlarni qay darajada egallaganligini aniqlash.
    • O‘qitish uslublarining takomillashtirilishi – zamonaviy pedagogik texnologiyalar va interaktiv metodlarni joriy etish orqali ta’lim sifatini oshirish.
    • Ta’lim muhitining rivojlanishi – talabalar va o‘qituvchilar o‘rtasidagi samarali muloqot, shaffof baholash tizimi va akademik muhitning yanada qulay bo‘lishiga erishish.
  • 
    

  • Talabalarning reyting tizimi va baholash mezonlari.

    Ta’lim jarayonining samaradorligini oshirish va talabalar bilimini adolatli baholash maqsadida reyting tizimi keng qo‘llaniladi. Ushbu tizim talabaning o‘quv jarayoni davomida erishgan yutuqlari va bilim darajasini aniq mezonlar asosida baholashga xizmat qiladi. Reyting tizimi talabalarni yanada intizomli va faol bo‘lishga undaydi, o‘qituvchilarga esa ularning bilim darajasini tahlil qilish va o‘z pedagogik yondashuvlarini takomillashtirish imkoniyatini yaratadi. Uning asosiy vazifalari quyidagilardan iborat:

    • Ta’lim jarayonining shaffofligini ta’minlash
    • Talabaning real bilim darajasini aniqlash
    • O‘quv jarayonida adolatli baholash tizimini yaratish
    • Talabalar bilimini doimiy ravishda nazorat qilish va rag‘batlantirish
    • O‘quv jarayonida ishtirok etish faolligini oshirish
  • 
    

    O‘qituvchilarning faoliyatini monitoring qilish.

    1. Ta’lim sifati nafaqat talabalar bilimini baholash bilan, balki o‘qituvchilarning pedagogik faoliyatini doimiy nazorat qilish va takomillashtirish bilan ham bevosita bog‘liq. O‘qituvchilarning faoliyatini monitoring qilish tizimi ta’lim jarayonining samaradorligini oshirish, professor-o‘qituvchilarning professional rivojlanishini qo‘llab-quvvatlash va ta’lim muassasalarining strategik maqsadlariga erishishda muhim ahamiyat kasb etadi. O‘qituvchilarning dars berish sifati, ilmiy-tadqiqot faoliyati, talabalar bilan ishlash samaradorligi hamda kasbiy rivojlanishini baholash orqali ta’lim jarayonining samaradorligini oshirish.

       Baholash tizimi

       Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

       KAFEDRA STATISTIKASI VA NATIJALARI

    2. 
       

    3. Ingliz tili nazariyasi va amaliyoti kafedrasining 2023-2024 o‘quv yili bo‘yicha HISOBOTI

       Professor ustozlar sertifikatlari

       Ingliz tili nazariyasi va amaliyoti kafedrasining o‘rta muddatli strategik rivojlantirish dasturi bo‘yicha 2024-yilda amalga oshirilgan ishlar yuzasidan HISOBOTI

       Professor ustozlar malakaviy amaliyot sertifikatlari

       Talabalar sertifikatlari.

        

       KAFEDRA BILAN BOG‘LANISH

       Toshkent viloyati, Chirchiq shahri, Amir Temur ko'chasi 104 uy, 3-bino, tel: +99870 716-68-05

       pochta: d.abduramanova@cspu.uz

       Kafedra kotibiyati bilan bog‘lanish: d.abduramanova@cspu.uz

       MULTIMEDIA VA IJTIMOIY TARMOQLAR

       YouTube Instagram

       KAFEDRA YANGILIKLARI VA E’LONLAR

       Kafedra va kafedraga oid yangiliklarni telegram kanalimizda yoritib boramiz – bu ta’limga oid foydali va qiziqarli ma’lumotlarni jamlagan platforma. Bu yerda talabalar uchun ingliz tili, turizm sohasi va ta’lim jarayoni bilan bog‘liq muhim bilimlar, amaliy tavsiyalar hamda o‘quv materiallari joylashtiriladi. Kanalimiz orqali siz zamonaviy o‘quv uslublari, tarjima va til o‘rganish bo‘yicha foydali ma’lumotlar bilan tanishishingiz mumkin. Ta’limga qiziquvchilar uchun ochiq va foydali maydon!