2025-yil 14-aprel kuni Chirchiq davlat pedagogika universiteti Fizika va kimyo fakulteti Faollar zalida Yoshlar masalalari va ma’naviy-ma’rifiy ishlar bo‘yicha birinchi prorektor S.B.Qorayev raisligida universitetning kelasi haftadagi ma’naviy-ma’rifiy ishlarini rejalashtirish, o`tgan hafta yakunlarini tahlil qilish yuzasidan mas`ul bo`limlar boshliqlari, fakultetlar dekani o`rinbosarlari, TTJ tarbiyachi pedagoglari va tyutorlar ishtirokida majlis o`tkazildi.

     Majlis davomida fakultetlarda tartib - intizom, jinoyatchilikni oldini olish, Talabalar turar joylaridagi tartib-intizom, Talabalar turar joylari uchun belgilangan to`lovlarni o`z vaqtiga amalga oshirish, shuningdek Talabalar teatr studiyasi tomonidan sahnalashtirilgan spektakllar namoyishini tashkil etish kabi masalalar ko`rib chiqildi.

• Kun tartibidagi 1 va 2-masalalar yuzasidan Yoshlar masalalari va ma’naviy-ma’rifiy ishlar bo‘yicha birinchi prorektor S.B.Qorayev mas`ul xodimlarning hisobotlarini tingladi va universitet profilaktika inspektori J.Atadjanov va fakultet dekan o`rinbosarlariga mazkur masala yuzasidan qat`iy nazorat o`rnatish, aybdor talabalarga nisbatan universitet ichki-tartib qoidalariga muvofiq tegishli choralar ko`rish lozimligini eslatib o`tdi. Shu o`rinda, talabalar turar joylari-tarbiyachi pedagoglar, dekan muovinlari va tyutorlarga o`quv yili deyarli yakuniga yetayotganini inobatga olgan holda, TTJ larda istiqomat qiluvchi talabalar belgilangan to`lovlarni belgilangan muddatlarda va to`liq hajmda amalga oshirishlarini monitoring qilish vazifasi yuklatildi.
• Talabalar teatr studiyasi tomonidan sahnalashtirilgan spektakllar namoyishi masalasi yuzasidan so`zga chiqgan S.B.Qorayev, universitet geografik joylashuvidan kelib chiqgan holda, barcha talabalarni doimiy ravishda teatrlarga tashrifini uyushtirish murakkab masala ekanligini eslatib o`tgan holda, universitet talabalar teatr studiyasi tomonidan sahnalashtirilgan spektakllarni fakultetlar kesimida namoyish qilish orqali universitet talabalarining bu yo`nalishdagi qamrovini 75-80% yetkazish, shuningdek tizimli va davomiy tarzda tegishli ishlar amalga oshirilisam universitetda yil davomida spektakllar premyerasini tashkil etish va talabalarni san`atga xayrihoh qilish imkoniyati yaratilishini ta`kidladi.

     Talabalar teatr studiyasi tomonidan sahnalashtirilgan spektakllar namoyishi tashkillashtirish, premyeralar reja-grafigini ishlab chiqish, repertuarlarni tanlash va faol talaba-yoshlarni rag`batlantish bilan bog`liq masalalar ijrosini ta`minlash vazifasi Yoshlar bilan ishlash, ma’naviyat va ma’rifat bo`limi boshlig`i N.Norov hamda San`atshunoslik fakulteti yoshlar bilan ishlash bo`yicha dekan o‘rinbosari D.Azimovlarga yuklatildi.

     Majlis so`ngida tashkiliy masalalar ko`rib chiqildi.