Bugun Chirchiq davlat pedagogika universitetida 2024/2025 o‘quv yili ochilish marosimi bo‘lib o‘tdi. Tadbirda universitet rektori Muxamedov G‘ofurjon Isroilovich, professor-o‘qituvchilar,  talabalar hamda ota-onalar ishtirok etdilar. 

     Marosimda G‘ofurjon Muxamedov tadbir ishtirokchilarini yangi o‘quv yili bilan tabrikladi. Tadbirda so'zga chiqqanlar Prezidentimiz boshchiligida oliy ta’lim tizimini takomillashtirish bo‘yicha keng qamrovli ishlar olib borilayotganligi, oliy ta’lim tizimida sifatni oshirish va xalqaro o‘quv dasturlarini tatbiq etishga alohida e'tibor qaratilayotganligi e’tirof etildi.  

     Yangi o‘quv yili "Bir bo‘lsak - yagona xalqmiz, birlashsak - Vatanmiz" mavzusida “Mustaqillik darslari” bilan boshlandi. 

     Dars jarayonlarida talabalarga mustaqillik bergan imkoniyatlar,  yurtimizdagi tinchlik-osoyishtalik va jadal rivojlanishlar haqida gapirib berildi. So‘nggi yillarda yoshlarning bilim olishlari uchun yaratilgan keng imkoniyatlar haqida atroflicha to‘xtanildi.