Metodik marafonning ilk taqdimotida to‘rt yuz nafardan ortiq pedagog ishtirok etdi
Universitet rahbari tashabbusi bilan ilgari surilgan "talabalarning tahsil olayotgan yo‘nalishi bo‘yicha kasbiy faoliyatga tayyorlashni individuallashtirish orqali aqliy va amaliy faoliyatida o‘z uslublariga ega bo‘lish imkonini beradigan ta’limni tashkil etish masalasi"ni Nemis tili kafedrasi boshlab berdi.
Metodik marafonning ilk taqdimotida to‘rt yuz nafardan ortiq pedagog va bo‘lajak pedagoglar ishtirok etdi.
Nemis tili kafedrasi taqdimotda kritik (tanqidiy) fikrlash, kollaboratsiya (jamoaviy ishlash), kreativlik (ijodkorlik), kommunikatsiya (muloqot ko‘nikmalari) tamoyillariga asoslanib, xorijiy tillarni o‘qitishda samarali sanalgan innovatsion, noan’anaviy metod va texnologiyalar namoyish etdi.
Unda til savodxonlikni rivojlantiruvchi metodlar, ta’lim jarayonda moddiy-texnik taraqqiyot unsurlari, XXI asrda talab qilinayotgan muhim ko‘nikmalar, talabalarning kursiga ko‘ra qiziquvchanligi, qiziqtirish usullari, interaktiv o‘yinlar va mashqlardan iborat mavzular orqali tushuntirib berildi.
Hamkor Haydelberg pedagogika universitetidan tashrif buyurgan amaliyotchi-talabalar Germaniya oliy ta’lim tizimidagi zamonaviy ta’lim metodlari haqida ma’lumot berdi.
Tadbir yakunida universitet rektori G‘ofurjon Muxamedov ishtirokchilarga o‘z minnatdorchiligini va taqdimot yuzasidan o‘z munosabatini bildirdi