Chirchiq davlat pedagogika universiteti delegatsiyasi 11-noyabr kuni Haydelberg pedagogika universiteti Maktab amaliyoti bo’limi boshlig’i Dr. Isolde Rehm xonim bilan uchrashdi.

Uchrashuv davomida “Kredit-Modul” tizimida, asosan, maktablarda o’tkaziladigan pedagogik amaliyotning tashkil etilishi, unga rahbarlik qilishda maktab o’qituvchilarini jalb etish va bunga ularni tayyorlash masalalari, xorijiy ta’lim muassasalarida amaliyot o’tash va hisobotlarini baholash borasida tajriba almashinildi.

Shuningdek, tashrif doirasida 2022-23 o’quv yili fevral va sentyabr oylarida Chirchiq davlat pedagogika universitetida o’z amaliyotini o’tash uchun tashrif buyuradigan talabalar bilan jonli suhbat o’tkazildi va talabalar uchun muhim bo’lgan ma’lumotlar, jumladan, Yangi O’zbekiston ta’lim tizimiga kiritilayotgan tub islohotlar Chirchiq davlat pedagogika universiteti misolida yoritib berildi hamda talabalarni qiziqtirgan savollarga javob berildi.