Chirchiq davlat pedagogika universitetida “Ta’lim tizimi va boshlang‘ich ta’lim bosqichining nazariy, didaktik va metodologik innovatsion yondashuvlari: milliy va xalqaro tajriba” mavzusida xalqaro ilmiy-amaliy anjuman bo‘lib o‘tmoqda. Ushbu nufuzli anjuman boshlang‘ich ta’limda innovatsion yondashuvlarni ilgari surish, milliy va xalqaro tajribalarni muhokama qilish, yosh tadqiqotchilarni qo‘llab-quvvatlash, shuningdek, ta’lim sifatini oshirishga qaratilgan ilmiy izlanishlarni muvofiqlashtirishga xizmat qiladi. Anjuman doirasida yetti muhim yo‘nalish – jumladan, ta’limda innovatsion va integratsion texnologiyalar, fanlararo yondashuvlar, ona tili, tabiiy fanlar, matematika va informatika sohalaridagi pedagogik yangiliklar ko‘rib chiqilmoqda. Mazkur anjumanda Turkiya, Qozog‘iston, Tojikiston va Afg‘onistondan xorijiy mutaxassislar va vakillar ishtirok etmoqda.