Chirchiq davlat pedagogika universiteti delegatsiyasi Indoneziya pendidikan universitetiga tashrif buyurdi. Tashrifdan universitetlar o‘rtasida akademik almashinuv, talabalar almashinuvi, universitetning xalqaro e’tirof etilgan Quacquarelli Symonds World University Rankings agentligi reytingidagi mavqeyini mustahkamlash, Scopus, Web of Science kabi xalqaro tan olingan bazalarda indekslangan jurnallarda ilmiy maqolalar chop etish, qo‘shma ta’lim dasturlari doirasida faoliyatni yo‘lga qo‘yish: ya’ni bakalavrlar uchun 2+2, magistrlar uchun 1+1 shaklida tashkil etish kabi masalalarda mavjud hamkorlikni kuchaytirish maqsad qilingan. Bu borada Indoneziya pendidikan universitetining rahbariyati va tajribali professor-o‘qituvchilari bilan ikki tomonlama manfaatli kelishuvlarga erishildi.