ChDPU talabalarini vatanparvarlik ruhida tarbiyalash, Vatanga bo‘lgan muhabbat tuyg‘usini shakllantirish, mamlakatimizda olib borilayotgan keng ko‘lamli siyosiy, iqtisodiy va boshqa jarayonlarga dahldorlik tuyg‘ularini rivojlantirish maqsadida “Yangi O‘zbekiston armiyasi - mamlakat tayanchi, xalqimiz faxri!” shiori ostida vatanparvarlik tadbiri o‘tkazildi.

     Tadbirning ochilishida Chirchiq oliy tank qo‘mondonligi muhandislik bilim yurtining alohida namunali harbiy orkestri va kursantlari o‘zlarining vatanparvarlik tuyg‘ularini bilan chorlovchi sado va ko‘rgazmali chiqishlarini ishtirokchilar e’tiboriga namoyish etdilar.

     Asosiy va amaliy qismida esa bugungi kunda Xarbiy ta’limda mavjud zamonaviy qurol-aslahalarning, shuningdek, harbiy dala-o'quv maydonida foydalaniladigan vositalarining ko‘rgazmasi tashkillashtirildi.

     Talabalar har bir qurol-aslaha, maxsus xarbiy vositalarning vazifalari, ularning taktik-texnik tavsiflari, qism va mexanizmlarining ishlash prinsiplari bilan to‘g‘ridan-to‘g‘ri tanishdilar hamda uzlarini qiziqtirgan savollariga mutaxassislardan javoblar oldilar.