Oʻzbekiston Respublikasi Prezidenti Administratsiyasining 2024-yil 6-yanvardagi  2024/2025-oʻquv yilidan boshlab “Hayot maktabi” dasturi doirasida pedagogik sinflar tashkil etish boʻyicha 03-RA 1-311-sonli topshirig’iga asosan Chirchiq shahar umumiy o'rta ta'lim maktablari bilan uzviy bog‘liqligini ta’minlagan holda yagona yondashuv asosida pedagogik kadrlar tayyorlashga qaratilgan uzluksiz o‘quv tizimi yo‘lga qo‘yildi.

     Chirchiq davlat pedagogika universiteti 2024/2025 o‘quv yilidan boshlab umumiy o'rta ta'lim maktablarining pedagogik sinflarida pedagogik ta’limni yanada jonlantirishga e’tibor qaratib kelmoqda.

     Universitet Call-markaziga bakalavriatga hujjat topshirishga doir ko‘plab savollar kelmoqda. Bu esa bitiruvchi o‘quvchilar orasida ChDPUga qiziqish uyg‘onganligini ko‘rsatmoqda.

     Shu munosabat bilan, 2025-yil 3-aprel kuni Chirchiq davlat pedagogika universitetida ochiq eshiklar kuni bo‘lib o‘tdi. Universitetga Chirchiq shahar 21-umumiy o'rta ta'lim maktabining pedagogik sinf bitiruvchilari, maktab ma’muriyati tashrif buyurdilar.

     Ishtirokchilar Universitet faoliyati, bakalavriatga qabul va o‘quv jarayonini tashkil etishning o‘ziga xosligi va afzalliklari bilan yaqindan tanishdilar. Pedagogik kadrlarini tayyorlash va ularning malakasini oshirish tizimi bilan yaqindan tanishtirish maqsadida bitiruvchilar uchun ekskursiya tashkil etildi.

     Bitiruvchi sinf o‘quvchilari bakalavriatga kirish va tahsil olish tartibiga oid savollariga atroflicha javob olishdi.