Chirchiq davlat pedagogika universiteti rektori G‘ofurjon Muxamedov Indoneziya pedagogika universiteti xalqaro aloqalar bo’limi boshlig’i Doktor Nandi boshchiligidagi delegatsiyani qabul qildi.

     Uchrashuv avvalida Doktor Nandi  universitet rahbariga Indoneziya pedagogika universiteti rektori professor Dr. M. Solehuddinning salomi va eng ezgu tilaklarini etkazdi.

     Qabul qilingan memorandum asosida ustuvor yo‘nalishlarda amaliy hamkorlikni yanada kengaytirish masalalari ko‘rib chiqildi.

     Chirchiq davlat pedagogika universiteti professor-o‘qituvchilarining joriy yil fevral oyida Indoneziyaga amalga oshirgan tashrifining yakunlari, natijada ikki universitet o‘rtasidagi ko‘p qirrali munosabatlar strategik sheriklik darajasiga ko‘tarilgani alohida mamnuniyat bilan qayd etildi.

     Qisqa vaqt ichida hamkorlikda onlayn xalqaro seminar va universitetlararo innovatsion pedagogik ta’lim dasturlari tashkil etildi. QS-mezonlari bo‘yicha 1000 talikka kirishni kafolatlovchi talabalarni ilmiy tadqiqotchilik faoliyatiga tayyorlash, ilmiy kontekstni tushunish, tahlil qilish va shakllantirishga o‘rgatuvchi intensiv dastur asosida Chirchiq davlat pedagogika universiteti talabalariga onlayn tahsil berildi. Scopus ma’lumotlar bazasida indeksatsiyalangan ilmiy jurnallarda universitet talabalarining maqolalarini chiqarish ustida ishlanmoqda.

     Ikki universitet o‘rtasida talabalar va professor-o‘qituvchlarning akademik mobilligini qo‘llab-quvvatlash, xalqaro reytinglarda universitetlar obro‘sini oshirish yo‘nalishlarida hamkorlik strategiyalarini belgilash masalalariga to‘xtaldi. Chirchiq davlat pedagogika universitetida nano materiallar, xalqaro pedagog kadrlar tayyorlash loyihalarini ilgari surishga alohida e’tibor qaratildi.

     Universitet rektori G‘ofurjon Muxamedov xalqaro konferentsiya ishtirokchilariga muvaffaqiyat tiladi.