Chirchiq davlat pedagogika universitetini har yili 5000 dan ortiq yoshlar tamomlaydi. Demak, CHDPU mamlakat mehnat bozoriga salmoqli ishchi kuchini yo‘llaydi. Bu,o‘z navbatida, yoshlarning ishga joylashishi bilan bog‘liq masala va muammolarga o‘z vaqtida yechim topishni taqozo qiladi.

     Universitet rahbari huzurida o‘tkazilgan yig‘ilishda bandlik va kafedralarda yoshlarning qo‘shimcha kasb-hunar ko‘nikmalarini shakllantirish maqsadli parametrlariga bag‘ishlandi. Yig‘ilishda prorektorlar, dekanlar, kafedra mudirlari ishtirok etdi.

     Talabalarda egallayotgan sohasining zamonaviy yechimlarini tahlil qilish, qo‘shimcha kasb-hunarga qiziqish uyg‘otish, muayyan ko‘nikma va malaka paydo qilish, ularning qobiliyatini to‘g‘ri yo‘naltirish va bo‘sh vaqtini foydali o‘tkazishda kafedralarning o'rni muhimligi ta’kidlandi. Kafedralar qoshidagi to‘garak va darsdan tashqari mashg‘ulotlarda yangi innovatsion metodlardan foydalanish zarurligi uqtirildi.

     Kafedralar qoshidagi to‘garaklar yo‘nalishi va qamrovini zamonaviylashtirish va ko‘paytirish asosiy vazifa ekanligi bildirildi. Talabalarga qo‘shimcha motivatsiya berish, aniq soha-kasbga yo‘naltirishning yangi imkoniyatlarini topish va amalga tatbiq etish asosiy maqsadlardan biriga aylanishi kerakligi ta’kidlandi.