Bugun, ChDPUda yo'l harakati xavfsizligini targ'ib qilish, xabardorlikni oshirish maqsadida ma'rifiy tadbir o‘tkazildi. Jarayonlarda Toshkent viloyat Yo‘l-patrul xizmati xodimlari ishtirok etdi. 

     “Ham dunyo miqyosida, ham O‘zbekistonda yo‘l-transport hodisalarining eng ko‘p jabrlanganlar bolalar va yoshlar bo‘lib qolmoqda. Shunday bo‘lsa-da, bu yo‘llardagi jarohatlar va o‘lim holatlarining ko‘pining oldini olish mumkin”, dedi Toshkent viloyati IIBB YPX mas’uli Jasurbek Mirzabekov.

     Piyodalar oʻtish joylaridan oʻtayotgan piyodalarga telefondan foydalanish, kitoblarni yoki davriy nashrlarni oʻqish, 

video tomosha qilish hamda audio eshitish, eʼtiborni chalgʻitadigan boshqa elektron vositalardan foydalanish taqiqlanadi, deya tushuntirildi tadbirda.

     Talabalar Toshkent-Chirchiq-Toshkent yo‘nalishida jamoat transporti (avtobus) qo‘yilishini so‘rashdi. Mas’ullar  Chirchiq shahar hokimligi bilan yechim topish imkoniyatlari borasida fikr bildirdi.