Inklyuziv ta'lim tizimining mazmun-mohiyati haqida jamoatchilik o‘rtasida tushuntirish ishlarini olib borish hamda bo‘lajak pedagoglarning alohida ta'limga ehtiyojlari bo‘lgan bolalar bilan ishlash amaliyotini mutaxassislar ishtirokida tahlil qilish maqsadida  “Individual ta’limda STEAM” intellektual olimpiadasi tashkil etildi.

    «Ilm-amaliyot-ijod-mehr» shiori ostida tashkil etilgan aql tanlovida Maxsus pedagogika yo‘nalishining 1-kurs talabalari ishtirok etdi. 

    Jamoalari tarkibida nogironligi bo‘lgan bolalarning mavjudligi va ularning har bir shartda talaba-ustozlari bilan birga harakatlanishlari tadbirning ijtimoiy ahamiyatini oshirdi. 

«Inklyuziv taʼlimda oʻqituvchining kasbiy mahorati bosh omil hisoblanadi. O‘qituvchi inklyuziv tafakkurga ega boʻlishi va taʼlim sifati maʼsuliyatini oʻz zimmasiga olishi shart», - dedi Maxsus pedagogika kafedrasi mudiri Feruza Qodirova.