Ma’rifat targ‘iboti har qachongidan ham jadal va ta’sirchan bo‘lishi,  ma’naviyatning boshqa sohalardan o‘n qadam oldinda yurishi, u yangi kuch va harakatga aylanisini davrning o‘zi taqozo etmoqda. 

     O‘zbekiston Respublikasi Oliy ta’lim,  fan va innovatsiyalar vazirligining buyrug‘i asosida mazsus tuzilgan rejaga muvofiq “Ma’rifat ulashib” loyihasining ikkinchi bosqichi boshlandi. 

     ChDPUga biriktirilgan ijodkorlar,  O‘zbekistonda xizmat ko‘rsatgan madaniyat xodimi Xurshid Do‘stmuhammad,  O‘zbekiston Yozuvchilar uyushmasi a’zolari Chodiqul Hamroyev va Sirojiddin Rauflar tashrif buyurishdi. 

     Ijodkorlarni universitet rektori,  O‘zbekiston fan arbobi G‘ofurjon Muxamedov kutib oldi va suhbatlashdi.

     Suhbat jarayonida yoshlarda tasavvuriy tafakkurning cheksizligi, yangilikka mushtoqlik, tavakkalchilik, qat’iylik, ichki tug‘yon, shavq, zavq, ishonch, qiziquvchanlik o‘z-o‘zidan qoniqish hissini uyg‘otish bilan birga, ChDPU talabalarining  yangi marralarni zabt etishga qaratilgan loyihalar mavzusida fikr almashdilar.

     Suhbatdan so‘ng universitet rahbari boshchiligida “Yashil makon” umummilliy aksiyasi doirasida daraxt ko‘chatlari ekildi.