Chirchiq davlat pedagogika universiteti chet tillarini o‘rganishni yanada rivojlantirish, xalqaro standartlarga muvofiq yuqori malakali o‘qituvchilarini tayyorlash, ta’lim sifatini yuksaltirish maqsadida nufuzli xalqaro oliy ta’lim muassalari bilan hamkorlik qilib keladi. 

     Jumladan, Lingvistika va ingliz tilini oʻqitish metodikasi kafedrasi qator nufuzli OTM bilan hamkorlikda bo’lajak ingliz tili o'qituvchilarining sifatli bilim olishlarini kuchaytirish va xalqaro standartlarga muvofiq keladigan aniq ta’lim standartlarini o'rnatish orqali universitetda ingliz tilini o’qitish me’yorlarini doimiy ravishda yaxshilashga e’tibor qaratgan. 

     Kuni kecha Britaniya Kengashi bilan hamkorlikda Accelerating English Language Learning in Central Asia (AELLCA) loyihasi boʻyicha tashkil etilgan seminarga kafedra professor-o‘qituvchilari tashrif buyurdilar. 

     Ushbu loyiha doirasida Buyuk Britaniyaning Portsmut universiteti mutaxassislari prof. Peter Watkins va prof.Gulsah Kutug Ag bilan birgalikda ingliz tili boʻyicha yangi oʻquv reja va dasturlarni ishlab chiqish, ularni oʻquv jarayonida sinovdan oʻtkazish hamda ta'lim jarayonini takomillashtirish yuzasidan xalqaro seminar-trening tashkil etildi. 

     Tadbir oʻzaro tajriba va fikr almashish, yangi yondashuv va imkoniyatlardan samarali foydalanish imkonini keng yaratdi.