Joriy yilning 12-13-sentabr kunlari Chirchiq davlat pedagogika universitetiga Erasmus+ KA107 “Mobility Agreement” xalqaro dasturi doirasida Polshaning Lodz texnologiya universiteti (Lodz University of Technology) professorilari Tomasz Maniecki hamda Oleksandr Shtyka tashrif buyurishdi.  

     Tashrifning asosiy maqsadi  – Fizika va kimyo fakultetining professor-o’qituvchilari va talabalari uchun seminar treninglar va dars mashg’ulotlari tashlik etish. 

     Shu bilan birga universitetlar o’rtasida o’zaro hamkorik aloqalarini o’rnatish hamda professor-o’qituvchilar almashinuvini yo’lga qo’yish. 

     Professor Tomasz Maniecki Polsha va Oʻzbekiston oʻrtasida fan va taʼlim sohasidagi hamkorlikni rivojlantirishga qoʻshgan hissasi uchun Chirchiq davlat pedagogika universiteti Faxriy professor unvoni bilan taqdirlandi.

     P.S.: Chirchiq davlat pedagogika universitetida ilm-fanni rivojlantirish, uni xalqaro e’tirof etilgan tashkilotlar reytingiga kiritish, pedagogika ta’limidagi mamlakatimiz yutuqlarini xalqaro miqyosda targ‘ib etish bo‘yicha alohida muhim vazifalarni bajarganlik, shuningdek, yosh avlodning intellektual salohiyatini yuksaltirishdagi fidokorona xizmati hamda universitet nufuzini xalqaro va respublika miqyosida oshirishga hissa qo‘shayotgan milliy va xorijiy mutaxassislar, universitet hamkorlarini “Faxriy professor” faxriy unvoni bilan taqdirlash an’anasi yo‘lga qo‘yilgan.