Universitet rektori G‘ofurjon Muxamedov AFL Uzbekistan 2-liga chempioni Chirchiq davlat pedagogika universitetining "Pedagog" jamoasi bilan uchrashdi. G‘olib talabalar universitet rahbariga chempion klub vimpeli va yuqori probali medalni topshirdilar. 

     Yaratilgan shart-sharoit va yil davomida ko‘rsatilgan e’tibor uchun universitet rektori G‘ofurjon Muxamedovga minnatdorchilik bildirdilar.

     «Inson biron narsani yo‘qotsa, qayg‘urmasligi kerak. Faqat niyatni yo‘qotsa, qayg‘urishi kerak. Chunki har qanday xayrli ish pok niyat bilan ijobat bo‘ladi. Men talabalarim bilan faxrlanaman», — dedi universitet rektori G‘ofurjon Muxamedov.

     Samimiy suhbat davomida katta maqsadli yoshlarimiz ChDPU obro‘-e’tiborini yangi pog‘onalarga ko‘tarayotganligi haqida so‘z bordi. Chempionlar va universitet rahbari "Pedagog" jamoasining kelgusi mavsum rejalari yuzasidan fikr almashdilar. 

     “Kelajak bugundan boshlanadi. Biz ham ushbu shiorga amal qilgan holda ishlaymiz" - deyishdi Chempionlarimiz.