Turizm kafedrasi jamoasi tashabbusi bilan Parkent tumanida joylashgan 46-sonli o‘rta ta’lim maktabi o‘quvchilarida turizm vositasida ma’naviy-axloqiy sifatlarni rivojlantirishga qaratilgan sotsiologik so‘rovnoma o‘tkazildi. So‘rovnoma natijalariga ko‘ra o‘quv yili yakuniga qadar o‘quvchilarning ma’naviy-axloqiy sifatlari rivojlanish darajasini aniqlashga qaratilgan tajriba-sinov o‘tkazishga kelishib olindi. Tajriba-sinov ishlari uchun 47 nafar o‘quvchidan iborat tajriba va nazorat guruhlari shakllantirildi.

     Shuningdek  maktab rahbariyati va kafedra o‘qituvchilari bilan uchrashuv tashkil qilindi. Suhbat jarayonida ta’lim jarayonini takomillashtirish bo‘yicha taklif va muammolar tinglanib, dars mashg‘ulotlari kuzatildi va tahlil qilindi. Maktablarning ilmiy salohiyatini oshirishga ko‘maklashish maqsadida maktabni bitiruvchi o'quvchilari bilan hamkorlikda tanlovlar o'tkazish rejasi kelishib olindi.