Chirchiq davlat pedagogika universitetida fizika, kimyo, biologiya, Informatika va axborot texnologiyalari fanlari doirasida Toshkent viloyatidagi umumta’lim maktablari birituvchi sinf o‘quvchilari uchun tashkil etilgan olimpiadaning yakuniy bosqichi bo‘lib o‘tdi. 

     Ushbu bilimlar sinovida tanlovning maktab, tuman va viloyat bosqichlarida muvaffaqiyatli ishtirok etib, g‘oliblikni qo‘lga kiritgan 41 nafar bitiruvchi sinf o‘quvchilari ishtirok etdi.

     Sinovlar ikki bosqichda bo‘lib, dastlab ishtirokchilar test savollariga javob berishgan bo‘lsa, ikkinchi bosqichda kimyo va biologiya fanlari doirasida laboratoriya ishlari amalga oshirildi.

     Qizg‘in va murosasiz kechgan sinovlarda 12 nafar maktab bitiruvchilari to‘rtta fan doirasida g‘olib bo‘ldilar.

     Fizika fani bo‘yicha:

1-o‘rin - Mirodilov Oybekjon Muxtorovich, Qibray tumanidagi 31-soni umumta’lim maktabi o‘quvchisi,

2-o‘rin - Umirzoqov Davronbek Risbek o‘g‘li, Oqqo‘rg‘on tumanidagi 45-sonli umumta’lim maktabi o‘quvchisi,

3-o‘rin - Shodiyev Asabdek Jumaboy o‘g‘li, Oqqo‘rg‘on tumanidagi 36-sonli umumta’lim maktabi o‘quvchisi;

     Kimyo fani bo‘yicha:

1-o‘rin - Rustamova Odina Adham qizi, Piskent tumanidagi 23-sonli umumta’lim maktabi o‘quvchisi,

2-o‘rin - Abdumavlonov Asilbek Dilshod o‘g‘li, Yangiyo‘l tumanidagi 14-sonli umumta’lim maktabi o‘quvchisi,

3-o‘rin - G‘ofurov G‘anijon Dilmurod o‘g‘li, Toshkent tumanidagi 19-sonli umumta’lim maktabi o‘quvchisi;

     Biologiya fani bo‘yicha:

1-o‘rin - Alimov Emin Arsenovich, Angren shag‘ridagi 33-sonli umumta’lim maktabi o‘quvchisi,

2-o‘rin - Ibrohimov Akbar Shuxrat o‘g‘li, Chirchiq shahridagi 5-sonli umumta’lim maktabi o‘quvchisi,

3-o‘rin - Sharofiddinova Marhabo Muhiddin qizi, Chinoz tumanidagi 22-sonli umumta’lim maktabi o‘quvchisi;

     Informatika va axborot texnologiyalari fani bo‘yicha:

1-o‘rin - Sayidazimov Ridvan Alisherovich, Chirchiq shahridagi 9-sonli umumta’lim maktabi o‘quvchisi,

2-o‘rin - Shukurboyev Ozodbek Ravshan o‘g‘li, Yangiyo‘l tumanidagi 27-sonli umumta’lim maktabi o‘quvchisi,

3-o‘rin - Dehqonboyev Muhammadyusuf Azim o‘g‘li, Nurafshon shahridagi 48-sonli umumta’lim maktabi o‘quvchisi.

     Ahamiyatlisi, 1,2,3-o‘rinni egallagan maktab bitiruvchilari, Chirchiq davlat pedagogika universiteti talabaligiga qabul qilindi. 4 yil davomida bakalavr bosqichida grant asosida o‘qish imkoniyatiga ega bo‘ldilar.

     G‘oliblarga Chirchiq davlat pedagogika universitet rektori, professor G‘ofurjon Muhamedov talabalikka qabul qilinganlik sertifikatini topshirdi va universitetning 2025\2026-o'quv yili ilk talabalariga kelgusi o‘qish va ishlarida muvaffaqiyat tiladi.