2025-yil 7-fevral kuni Lingvistika va Ingliz Tilini O‘qitish Metodikasi kafedrasi professor-o'qituvchilarining Parkent tumanida joylashgan 34-umumta’lim maktabiga tashrif buyurishdi. Ushbu uchrashuv doirasida o‘quvchilarga ingliz tilidagi bilim va ko‘nikmalarini namoyish etish hamda o‘z intellektual salohiyatlarini sinovdan o‘tkazish imkoniyati yaratildi.

     Tashrif davomida 4–11-sinf o‘quvchilari o‘rtasida ingliz tili fan olimpiadasi tashkil etildi. Mazkur musobaqa yosh til o‘rganuvchilarning lug‘aviy boyligini sinash, fikrlash qobiliyatini rivojlantirish va mantiqiy yondashuvlarini shakllantirishga xizmat qildi. Olimpiada jarayonida ishtirokchilar o‘z bilimlarini namoyish etib, til o‘rganishga bo‘lgan qiziqishlarini yanada mustahkamlash imkoniga ega bo‘ldilar.

     Lingvistika va Ingliz Tilini O‘qitish Metodikasi kafedrasi ustozlarining mazkur tashrifi maktab o‘qituvchilari va o‘quvchilari bilan o‘zaro tajriba almashish, samarali hamkorlik o‘rnatish va ingliz tilini o‘rganish jarayonini yanada qiziqarli va mazmunli qilishga xizmat qildi. Ushbu tashabbus o‘quvchilarning xorijiy tilga bo‘lgan qiziqishini oshirish bilan birga, ularning intellektual rivojlanishiga ham ijobiy ta’sir ko‘rsatdi.