Ilmiy va metodologik kimyo kafedrasi individual ta’lim texnologiyasi, individual yondashuv va shu orqali ta’lim jarayonini tashkil etilish yuzasidan ilmiy-metodik tadbir o‘tkazdi. Hozirgi zamon ta’lim –tarbiyasining barcha jarayonlari o’quvchi mustaqil fikrlashga va mustaqil ijod qilishga o’rgatishdan iboratdir. Biz o’qituvchilar dars jarayonida birinchi navbatda o’quvchilarga fanlardan chuqur va mustahkam bilim berish bilan birga, ularda bilimga qiziqishni, mehnat qilishga ehtiyojini tarbiyalab borishni ko’zda tutishimiz lozim.

     Taqdimotda Kimyo fanini o‘rganishda interaktiv o‘quv materiallari: Axborot texnologiyalari kimyo ta’limida interaktiv o‘quv materiallarini yaratish va taqdim etish imkoniyatlarini kengaytir jarayoniga qaratildi. Masalan, 3D simulyatsiyalar va virtual laboratoriyalar yordamida o‘quvchilar kimyoviy reaksiyalarni amaliyotda ko‘rishlari mumkin. Bu texnologiyalar murakkab ilmiy jarayonlarni soddalashtirib, o‘quvchilarga tajriba o‘tkazish, o‘rgangan nazariy materiallarni amalda qo‘llash imkoniyatini yaratadi. Bu, o‘z navbatida, o‘quvchilarning fan haqidagi bilimlarini chuqurlashtiradi va qiziqishini oshiradi, g‘oyasi ilgari surildi.

   Navbatdagi chiqish Kimyo fanida shaxsiylashtirilgan ta’lim: Axborot texnologiyalari yordamida kimyo fanini o‘rganishda shaxsiylashtirilgan ta’limni ta’minlash mumkin xususidagi fikrlar ilgari surildi. Kimyo fanida o‘qituvchilarga yordam va tahliliy vositalar: Axborot texnologiyalari kimyo fanini o‘qitishda o‘qituvchilarga dars jarayonini samarali boshqarish va o‘quvchilarni tez va aniq baholashda yordam berishi haqidagi fiklar jonli misollarda ko‘rsatib berildi.

     Kimyo fanida axborot texnologiyalarining o‘rnini laboratoriya simulyatsiyalari orqali ko‘rish mumkinligi tahlil qilindi. O‘quvchilarga kimyo reaktsiyalarini virtual laboratoriyada ko‘rsatish imkoniyati, ularning xavfsizligini ta’minlash bilan birga, jarayonlarni takrorlash va yanada chuqurroq o‘rganishga yordam berishini ko‘rgazmali chiqish orqali namoyish etildi.

     Tadbir yakunida universitet rektori, professor G‘ofurjon Muxamedov o‘z fikrlari bildirib, talabalarga o‘z minnatdorchiligini bildirdi.