Chirchiq davlat pedagogika universitetida talabalar uchun “Karyera kuni” axborot-tanishtiruv tadbiri bo‘lib o‘tdi. Unda turli mulkchilik shaklidagi tashkilot va muassasalar o‘zlarida mavjud bo‘sh ish o‘rinlari bilan ishtirok etdi.

     Tadbir doirasida ish beruvchi tashkilotlar tomonidan mavjud vakansiyalar bo‘yicha axborotlar taqdim etildi. Shu bilan birga, universitet joriy o‘quv yilida bitirayotgan talabalar to‘g‘risidagi ma’lumotlarni ish beruvchilar e’tiboriga havola qildi. Tadbir doirasida yirik kompaniyalar vakillari ishtirokida mahorat darslari ham tashkil etildi.

     Yakunda ish beruvchi tashkilotlar tomonidan 3 ming nafardan ziyod talaba bilan suhbatlar o‘tkazilib, ularning ishga joylashish va amaliyot o‘tashlari uchun yo‘llanmalar berildi.

     Shuningdek, “Karyera kuni” doirasida innovatsion hamkorlikni yo‘lga qo‘yish, muammoli masalalar yuzasidan ilmiy tadqiqotlar olib borish, o‘quv rejalarga amaliyotchi mutaxassislar fikrini inobatga olgan holda tegishli o‘zgartishlar kiritish, talabalarning malakaviy amaliyoti va tajribasini samarali tashkil etish masalalari ko‘rib chiqildi.

     Jumladan, amaliyotchi mutaxassislarni o‘quv jarayoniga jalb etish, bitiruv malakaviy ishlari hamda magistrlik dissertatsiyalarini ish beruvchi tashkilotlar buyurtmalari asosida tayyorlash kabi masalalar muhokama etildi.