Oliy ta’lim, fan va innovatsiyalar vazirining 2024-yil 2-dekabrdagi “Oliy ta’lim tashkilotlarida talabalar bilimini baholash va nazorat qilish tartibini takomillashtirish to‘g‘risida”gi 452-son buyrug‘ida belgilangan vazifalar ijrosi yuzasidan Chirchiq davlat pedagogika rektorining 10-dekabdagi 01-273 sonli ichki buyrug‘i ishlab chiqildi.

     Oʻquv-uslubiy boshqarmasi boshligʻi Maxmudjon Boltayev kafedra mudirlari va fakultetlar ma’muriyatini universitet rahbari buyrug'ining mazmun mohiyati bilan tanishtirdi.

     Jumladan, kafedra mudirlariga yakuniy nazorat topshiriqlari (savollari) fan dasturi (sillabusi) asosida imtihon jarayonlari boshlanishidan kamida bir oy oldin tayyorlanishini ta’minlash va bunda topshiriqlar (savollar)ni ishlab chiqish, yakuniy nazorat turini tashkil etish va o‘tkazish bo‘yicha Ishchi guruhi hamda yakuniy nazorat ishlarini baholovchi professor-o‘qituvchilar tarkibini tajribali, mas’uliyatli xodimlar tarkibidan shakllantirish kabi masalalar ko‘rib o‘tildi.

     Seminar ishida universitet rektori G‘ofurjon Muxamedov ishtirok etdi.