Ta'lim jarayonida interfaol metodlar, innovatsion texnologiyalar, pedagogik va axborot texnologiyalarini o'quv jarayonida qo'llashga bo'lgan qiziqish kundan-kunga ortib bormoqda. Shu vaqtgacha an'anaviy ta'limda o'quvchilarni faqat tayyor bilimlarni egallashga o'rgatilgan bo'lsa, zamonaviy texnologiyalar ularni egallayotgan bilimlarini o'zlari qidirib topishlariga, mustaqil o'rganib, tahlil qilishlariga, hatto xulosalarni ham o'zlari keltirib chiqarishlariga o'rgatadi.

     Oʻzbek adabiyotshunosligi kafedrasi tomonidan o‘tkazilgan "Maktab ta'limida individual ta'limni tashkil etish mezonlari" (Adabiyot darslari misolida) mavzusidagi ilmiy-metodik tadbirda zamonaviy pedagogik texnologiyalarni individual ta’limga joriy etish masalalariga qaratildi.

     Adabiyot darslarini tashkil etish va o‘tkazish orqali o‘quvchi shaxsini rivojlantirish, bilim olishi va tarbiyalanishiga sharoit yaratishda qulay ta’lim metodlari tahlil qilindi. 

     Tadbir davomida qo‘llanilgan ta’lim metodlari orqali “Adabiyot va metodika”, “Adabiyot va xalq og‘zaki ijodi”, “Adabiyot va zamonaviy texnologiya”, “Adabiyot va ijod”, “Adabiyot va tarbiya” yo‘nalishlari ochib berildi. 

     Ushbu tadbirda Bolalar yozuvchisi O‘zbekiston Respublikasida xizmat ko‘rsatgan madaniyat xodimi, “Shuhrat” medali sohibi Normurod Norqobilov va "Yunus Rajabiy" nomidagi Oʻzbek milliy musiqa sanʼati instituti talabalari ekspert sifatida ishtirok etishdi. 

     Universitetimiz rektori, professor G‘ofurjon Muxamedov  "Dars—ijodiy jarayon. Har bir oʻqituvchi oʻz darsiga ijodkor sifatida yondashmog'i" lozim deya fikr bildirdilar.