“Kimyo” kafedrasi universitetida o'tkazib kelinayotgan individual ta’lim texnologiyasi, individual yondashuv va shu orqali ta’lim jarayonini tashkil etilishi borasida olib borilayotgan ishlar bo‘yicha “Individual ta’limda kimyo fani nazariy va amaliy bilimlarining uyg‘unligi” mavzusida ilmiy-metodik tadbirini o‘tkazdi.
Ma’lumki, talabalarning o‘z yo‘nalishlarida tadqiqotchilik ko‘nikma va malakalarga ega bo‘lishi universitetni rivojlantirishning strategik vazifalari qatorida belgilangan.
Shu sababli tadbirda bunga alohida e’tibor qaratildi. U quyidagi yo‘nalishlarni o‘z ichiga oldi:
- har bir talabaga individual yondashish, u oʻrganayotgan materialni murakkablik, diqqat-eʼtibor darajasiga qarab farqlash;
- talaba oʻzi oʻrganadigan taʼlim sohasiga nisbatan oʻz taʼlim yoʻlini tanlashi;
- talabalarning nafaqat individual harakati, balki har birining turli xil taʼlim modellarini oʻziga xos tarzda va shaxsiy salohiyati bilan bogʻliq holda bir vaqtning oʻzida ishlab chiqish va amalga oshirish;
- talabalarning nafaqat taʼlim jarayoni, balki darsdan tashqari izlanishi, ijodiy ishlari, boʻsh vaqtini unumli tashkil etish;
- pedagogik taʼlim innovatsion klasterining tashkil etilish: bu o‘ynalishda tashkil etilib, faoliyat yuritayotgan “Interpolimer kompleks va kopozitsion material olish va o‘rganish” ilmiy- tadqiqot laboratoriyasi va tajriba-sinov markazida talabalarning ilmiy va amaliy faoliyatni uygʻunlashtirish.
- “Intellektual kimyo bog‘i”da 4+2 tizimida qator loyihalar “Ochiq osmon ostidagi maktab”, “Qiziqarli kimyoviy reaktsiyalar” kabi ko‘rgazmali loyihalar.
“Kimyo” kafedrasining top mutaxassislikga yo‘naltirilga 6 ta loyihasi ko‘rsatildi.
Individual va dual ta’lim yo‘nalishida makur ko‘rsatilgn loyihalar negizida 95% kimyo yo‘nalishi talabalarini qamrab olish imkoniyati ko‘rsatib berildi.
Individual ta’limga bag‘ishlangan tadbirining maqsadi – jahon standartlariga mos tor sohaga yo‘nalgan professional kimyogar-o‘qituvchini tayyorlash ekanligi talabalarning ko‘rgazmali chiqishlarida o‘z aksini topdi.
Ilmiy-metodik tadbirda universitet rektori G‘ofurjon Muxamedov ishtirok etdi.
