Psixologiya kafedrasi universitetda o‘tkazib kelinayotgan individual ta’lim trayektoriyasi negizida “Individual ta’lim – kasbiy professionalizm asosi” nomli loyihasini taqdim etdi.
Ko‘rgazmali ta’lim tadbiri Psixologiya kafedrasining tor mutaxassislikka yo‘naltirilgan 8 ta loyihasi tahliliga bag‘ishlandi
Individual ta’lim misolida mazkur loyihalarda kunduzgi ta’limda tahsil olayotgan 1 va 2-kurs talabalarining 56 foiz qamrab olish imkoniyatlari ko‘rsatib berildi.
Ko‘rgazmali ta’lim tadbirining maqsadi – jahon standartlariga mos tor sohaga yo‘nalgan professional psixolog mutaxassislarni tayyorlash ekanligi talabalarning ko‘rgazmali chiqishlarida o‘z aksini topdi.
«Kafedra istiqbolli strategiyasida Nevropsixolog, Musiqaterapevt, Bolalar psixologi, Biblioterapevt, Tezkor diagnostik (QD) psixolog, HR menejer psixolog, Konsultant psixolog va Trener psixolog mutaxassislarni tayyorlashni rejalashtirilgan bo‘lib, mazkur yondashuv nafaqat O‘zbekistonda birinchi balki MDH mamlakatlarida ilk qadam desak mubolag‘a bo‘lmaydi», — dedi Psixologiya kafedrasi mudiri Nortoji Eshnayev.
