Zamonaviy iqtisodiyot o‘quvchilarda xalqaro texnologik taraqqiyotiga mos keladigan ilmiy-texnik salohiyatni shakllantirishni taqozo etmoqda. Shu o‘rinda, umumta’lim maktablarida texnologik ta’limdagi o‘quv mashg‘ulotlarini zamonaviy texnologiya va usullar asosida tashkil etish zaruriyati kuchaydi.

     Texnologik ta’lim kafedrasi tomonidan tashkil etilgan amaliy –metodik tadbir yangilanayotgan pedagogik muammolarga yechim sifatida qaraldi. Mazkur tadbir texnologiya o‘qituvchilarining o‘quv topshiriqlari, ijodiy loyihalarni namoyish etish orqali kasbiy tayyorlashdagi muammolar va ularning strategiyasini ko‘rsatib berildi.

     Nazariy materialarni aniq va ishonchli tushuntira bilish, o‘quvchilarni har qanday turdagi ko‘rsatmalar bilan tanishtirish metodikasini amalda bajara olish vaziyatlari tahlil qilindi. Mehnat darslarida har xil ishlov berish usullarini yuqori darajada ko‘rsata bilish, tarbiyalash metodikasi, pedagogik takt va bosiqlik kabi pedagogik sifatlarni rivojlantirishga e’tibor qaratildi.

     "Texnologik ta’limi yo‘nalishlarini yangi bitirgan va pedagogik amaliyotga chiqqan talabalarimizning ish faoliyatini uzoq yillar kuzatishim natijalari shuni ko‘rsatadiki, texnologik ta’lim o‘qituvchilarini tayyorlashning eng og‘riqli joyi aynan ularda pedagogik mahoratning yetishmasligi. Talabalarimiz va yosh mutaxassislar mehnat ta’limida dars berishda amaliy psixologik va pedagogik to‘siqlarni o‘ta qiyinchilik bilan qarshi olishi va ishlov berish o‘quvi bo‘yicha xatoliklarga yo‘l qo‘yishi ham bor gap. Metodik qurollar shu kabi muammolarga yechim bo‘ladi», — dedi kafedra dotsenti Rahmatillo Shermuhammedov.