Chirchiq davlat pedagogika universitetida «Yoshlar o‘rtasida sodir etilayotgan axborot texnologiyalari sohasidagi jinoyatlar» mavzusida huquqbuzarliklar profilaktikasiga oid talaba-yoshlar bilan uchrashuv o‘tkazildi.

     Mazkur uchrashuvda universitet rahbariyati, soha mas’ullari, talaba-yoshlar hamda ommaviy axborot vositalari vakillari ishtirok etdi.

     ChDPU Yoshlar masalalari va ma’naviy-ma’rifiy ishlar bo‘yicha birinchi prorektori Samariddin Qoraev so‘zga chiqdi.

     Tadbirda so‘z olganlar yoshlar orasida keng tarqalgan huquqbuzarliklarning turli ko‘rinishlari haqida to‘xtalib, barchani ogohlikka chorlashdi va talaba-yoshlarning ma’naviy olamini yuksaltirish, ularda yuksak an’analarga hurmat tuyg‘usini shakllantirish muhim ekanligini qayd etishdi.

     Ichki ishlar Akademiyasi magistratura tinglovchisi, podpolkovnik Sherali Ergashev “Yoshlar oʻrtasida sodir etilayotgan axborot texnologiyalari sohasidagi jinoyatlar” mavzusida ma’ruza qildi.

     Universitet profilaktika katta inspektori Jasur Atajanov Chirchiq davlat pedagogika universitetida  Talabalar xavfsizligini ta’minlash borasida olib borilayotgan ishlar xususida taqdimot qildi.

     Uchrashuv yakunida talaba-yoshlar mavzu borasida o’zlarini qiziqtirgan savollariga javob olishdi.