Bolalar sporti kafedrasi Olimpiya o‘yinlari chempioni Hasanboy Do‘smatov bilan suhbat uyushtirdi.

     Ikki karra olimpiada chempioni Hasanboy Do‘smatov ishtirokchilarga o‘zining sportda erishgan yutuqlari, sportchi yoshlar uchun mamlakatimizda yaratib berilayotgan keng imkoniyatlar haqida gapirdi. 

Avval kikboks, keyin esa boks.

    Avvaliga sportning kikboks turi bilan shug‘ullanardim. Olimpiya zaxiralari kollejida ham aynan ushbu yo‘nalish bo‘yicha o‘qishni istagandim. Biroq, u yerda kikboks yo‘nalishi yo‘qligi sabab boksni tanlaganman. Shu tariqa, kollejda boks bo‘yicha tahsil ola boshladim.

     Ovqatlanish tartibi haqida gapiradigan bo‘lsam, kuniga uch mahal ovqatlanamiz. Terma jamoamizda diyetologlar ham bor. Taomlarni aynan ularning tavsiyasiga binoan iste'mol qilamiz.

Sevimli sportchisi – futbolchi.

   Sevimli sportchim «Barselona»ning argentinalik futbolchisi Lionel Messidir. Uning o‘yinlari, maydonda o‘zini tutishi menga juda yoqadi. Bokschilardan esa filippinlik afsonaviy charm qo‘lqop ustasi Menni Pakyaoga havas qilaman.

Universitet – katta imkoniyat.

   Chirchiq davlat pedagogika universiteti talabalari menda samimiy taassurot qoldirdi. Berilgan savollar talabalarning chuqur bilimli va fikr-mulohazali ekanligidan dalolat. Xalqaro miqyosda tan olingan sportchilarning murabbiylari bo‘lishiga tilakdoshman.  

     Uchrashuv yakunida ikki karra Olimpida chempioni Hasanboy Do‘smatovga esdalik sovg‘alari topshirildi