Bugun Chirchiq davlat pedagogika universiteti talabalarinig narkotik vositalari va psixotrop moddalarning ta’siriga tushib qolishni oldini olish maqsadida “Yoshlar giyohvandlikga qarshimiz” mavzusida forum o‘tkazildi. Yoshlar forumining ochilishida universitet rektori G‘ofurjon Muxamedov giyohvandlikning inson ma’naviyati va sog‘lig‘iga zarari to‘g‘risida fikr bildirdi.  

     Forum doirasida tashkil etilgan o'quv seminarida O‘zbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi direktori Ravshan Mamatov, shu markaz bo‘limi boshlig‘i Shuxrat G‘ulomov, O‘zbekiston Respublikasi Ichki ishlar vazirligi xodimi Zafar Abduxaliqov va Toshkent viloyat ruhiy asab kasalliklari dispanseri vrach-narkologi Sanjar Rajabov, universitetda yoshlar tarbiyasiga mas’ul bo‘lgan xodimlar va talabalar ishtirok etdi.  

     Narkotiklarni nazorat qilish milliy markazi direktori Ravshan Mamatov giyohvandlikka qarshi immunitetni shakllantirishda ziyoli yoshlarning o‘rnini qayd etdi. Ravshan Mamatov 2024-yil 6-mayda davlatimiz rahbari tomonidan qabul qilingan “O‘zbekiston Respublikasida giyohvandlik vositalari va psixotrop moddalarning noqonuniy aylanmasiga chek qo‘yish orqali ularning aholi salomatligi va mamlakatimiz genofondiga salbiy ta’sirini bartaraf etish strategik chora-tadbirlari to‘g‘risida”gi Farmon mohiyati bilan tanishtirdi. Shuningdek, xotin-qizlar, yoshlar orasida kuchli ta’sir qiluvchi dorilarni iste’mol qilishga murosasiz munosabatni shakllantirish, ta’lim muassasalarida psixofaol moddalar tarqalishining oldini olishga qaratilgan yangi ta’sirchan targ‘ibot-tashviqot va tarbiyaviy-profilaktik mexanizmlarni joriy etish yuzasidan talabalar, tyutorlar bilan jonli muloqot o‘tkazdi.

     Sir emas, bu illatga ko‘proq yoshlar giriftor bo‘lmoqda. O‘zbekistonda esa aholining asosiy qismini yoshlar tashkil etadi. O‘zbekiston Respublikasi Ichki ishlar vazirligi xodimi Zafar Abduxaliqov va Narkotiklarni nazorat qilish milliy markazi xodimi Shuxrat G‘ulomov giyohvandlik vositalari, psixotrop va kuchli ta’sir qiluvchi moddalar hamda prekursorlarning noqonuniy aylanmasining yangicha, ayniqsa, internet tarmog‘idagi usullaridan forum ishtirokchilarini xabardor qildi. Narkobiznes va uning iste’moli uchun belgilangan jazo turlari hamda xuquqiy oqibati xususida tushunchalar berib o‘tildi.

     Vrach-narkolog Sanjar Rajabov giyoxvandlik vositalari va psixotrop moddalarining aholi salomatligiga salbiy ta’siri xususida fikr yuritdi. 

     Forum ishtirokchilari talabalar shaharchasiga ham tashrif buyurishdi. Talabalarga yaratilgan shart-sharoit bilan tanishdi. Forum doirasida o‘tkazilgan sport va intellektual musobaqalar, turli tanlovlar g‘oliblarini taqdirladilar.