23-24 aprel kunlari Chirchiq davlat pedagogika universitetida o‘tkazilgan xalqaro ilmiy-amaliy anjumanda bir qator xorijiy mamlakatlardan mehmonlar tashrif buyuridi. Anjumanni universitet rektori G‘ofurjon Muxamedov ochib berdi. 

     Universitet rahbari anjuman ishtirokchilarini samimiy qutladi. Xalqaro konferensiya qamrovi va geografiyasi ham ancha keng bo‘ldi. Xususan, xalqaro konferensiyada mamlakatimizdagi oliy ta’lim muassasalari vakillari bilan birgalikda, Eron, Tojikiston, Qozog‘iston, Qirg‘iziston va Xitoy davlatlaridagi nufuzli yetakchi oliy ta’lim muassasalari professor-o‘qituvchilari, taniqli olimlar, xalqaro ekspertlar, ilmiy-tadqiqot tashkilotlarining mutaxassislari ishtirok etdi.

     Doktor Amir Saiyd Karamiy janoblari o‘zlarining ma’ruzalari so‘ngida, ushbu Xalqaro ilmiy-amaliy anjuman “Falsafa va e’tiqod: o‘tmish, bugun va kelajak” deb nomlanishining mohiyatiga alohida urg‘u berdi. “O‘tmish bu bizgacha yashagan ilm ahli bo‘lsa, buguni bu biz, ya’ni anjumanda jam’ bo‘lgan ilm muxlislari, o‘tmish esa biz qoldiradigan ilmiy merosning qiymatidir”, deb ta’kidladi. 

     Shuningdek,  anjumanda Eron Islom Respublikasining dunyodagi 16 o‘rinda turuvchi (TOP 1000likda) Tehron universiteti prfessori Doktor Bahman Akbariy janoblari “Mir Alisher Navoiyning ilmiy merosi: Tasavvuf, adabiyot va falsafa” nomli ma’ruzalari bilan qatnashdi. 

     Konferensiya so‘ngida, ta’lim dargohlari o‘rtasida o‘zaro memarandum imzolandi va istiqbolli rejalarni amalga oshirishga kelishib olindi. Chirchiq davlat pedagogika universiteti talabalari va professor-o‘qituvchilarini xorijga tajriba almashish va malaka oshirish uchun yuborishga kelishib olindi.

     Konferensiya oliy ta’limni transformatsiya qilish va xalqaro tajribani joriy etish bo‘yicha muhim muloqot maydoni bo‘lib xizmat qildi. Konferensiya yakunida xalqaro ta’lim va tadqiqot muassasalari o‘rtasida hamkorlikni kengaytirish, qo‘shma ilmiy tadqiqotlar hamda loyihalarni amalga oshirish bo‘yicha ham fikr almashildi.