Bugun 18-noyabr O‘zbekiston Respublikasi Davlat bayrog‘i qabul qilingan kun. 1991-yil 18- noyabrda “O‘zbekiston Respublikasining davlat bayrog‘i to‘g‘risida”gi qonunning qabul qilinishi bilan mamlakat davlat suverenitetining ramzi – bayrog‘imiz tasdiqlandi.

     32 yildan beri bayrog‘imiz yurtimizda va dunyoning nufuzli minbarlarida ozodlik va hurlik ifodasi sifatida hilpirab turibdi.

     Kecha universitetimizda mana shu sana munosabati bilan tantanali yig‘ilish bo‘lib o‘tdi. Tadbirda universitet rektori G‘ofurjon Muxamedov ishtirok etib, barchani ushbu qutlug‘ sana bilan tabrikladi.

     Talabalar tomonidan tayyorlangan vatanparvarlik ruhidagi kuy-qo‘shiq va raqslar tadbirga yanada ko‘tarinki ruh baxsh etdi.

     Bayrog‘imiz qabul qilinganining 32 yilligi munosabati bilan bugun ham universitetimiz bo‘ylab turli madaniy va ma’rifiy tadbirlar bo‘lib o‘tadi.