Bugun jonajon universitetimizda 4-talabalar turar joyining tantanali ochilish marosimi bo‘lib o‘tdi. 

     Talabalar uyi ChDPU rektori, O‘zbekiston fan arbobi G‘ofurjon Muxamedov  hamda O‘zbekiston Respublikasi Oliy ta’lim, fan va innovatsiyalar vazirining o‘rinbosari Sarvarxon Buzrukxonov tomonidan ramziy ochilib, talabalar ixtiyoriga topshirildi. Tadbirda universitet o‘qituvchi va talabalari, keng jamoatchilik vakillari ishtirok etdi.

     Ushbu turar joy binosi Mustaqillik bayrami va yangi o‘quv yili arafasida foydalanishga topshirilishi universitet talablari va jamoasi uchun qo‘shaloq bayramga aylandi.

     Universitet mablag‘lari evaziga qad rostlagan talabalar turar joyi majmuasi 710 o‘ringa mo‘ljallangan. Talabalar bo‘sh vaqtini mazmunli o‘tkazishi, maroqli dam olishi uchun bu erda barcha zarur sharoitlar yaratilgan.

     Talabalar shaharchasida yashovchilar yagona hududda ko‘plab imkoniyatlardan foydalanadilar. Yoshlar shaharchasida amfiteatr, kutubxona, sport majmuasi, fitnes xonalari, dam olish  maydonchalari, san’atga qiziquvchi yoshlar uchun cholg‘u asboblari bilan ta'minlangan karaoke xonalari, qizlar uchun tikish ustaxonalari mavjud.

     Siz, aziz talabalarni noyob ijtimoiy iqlim muhitiga ega bo‘lgan Talabalar shaharchasi kutmoqda.

     Barchamizga talabalar uyi muborak bo‘lsin!