2023-2024 o'quv yili uchun abituriyentlar hujjatlarini qabul qilish 20-iyundan 20-iyulgacha faqatgina onlayn tarzda amalga oshiriladi.

     Abituriyentlarning oliy ta'lim muassasalariga hujjatlarini qabul qilish Bilim va malakalarni baholash agentligining sayti my.uzbmb.uz  yoki Yagona interaktiv davlat xizmatlari portali my.gov.uz orqali ro'yxatdan o'tkaziladi.

     Abituriyentlarni onlayn roʻyxatdan oʻtkazish uchun oliy oʻquv yurtiga borilmaydi. 

     Respublikamizda 2023/2024 oʻquv yili uchun oliy taʼlim muassasalariga qabul jarayoni boshlanishi munosabati bilan, abituriyentlar va ularning ota-onalariga qulaylik yaratish, ularni qiziqtirgan savollarga javob berish, joriy etilgan  yangiliklar mazmun-mohiyatini keng jamoatchilik eʼtiboriga yetkazib borish maqsadida Chirchiq davlat pedagogika universitetida Call-markaz tashkil etildi.
     Fuqarolar +998702010214 telefon raqamlari orqali Call-markaz bilan bogʻlanib, oʻzlarini qiziqtirgan savollariga javob olishlari mumkin.

     Murojaatlar markazi (Call-markaz) dushanba-shanba kunlari soat 9:00dan 18:00 gacha Sizning xizmatingizda!