Chirchiq davlat pedagogika universitetida 2024-2025-o‘quv yili uchun ikkinchi mutaxassislik ta’limiga talabgorlar bilan uchrashuv o‘tkazildi. 

     Tadbirda universitet rahbariyati vakillari, jumladan, rektor G‘ofurjon Muxamedov, Qabul komissiyasi mas’ul kotibi Ikram Tadjibaev, O‘quv-uslubiy boshqarmasi boshlig‘i Maxmudjon Boltayev, Marketing va talabalar amaliyoti bo'limi rahbari Sanjar Rahimov hamda fakultet dekanlari ishtirok etishdi.  

     Uchrashuv davomida ikkinchi oliy ta’lim olish jarayonlari, to‘lov-kontrakt asosida amalga oshirilishi va qabul parametrlari haqida talabgorlarga batafsil ma’lumot berildi. 

     Universitet rahbariyati ta’lim olish sharoitlari, zamonaviy o‘quv jarayonlari va talabalarga yaratilgan imkoniyatlar to‘g‘risida so‘z yuritib, ikkinchi oliy ta’limni olish zamonaviy bilim va ko‘nikmalarni oshirishda muhim ahamiyatga ega ekanligini ta’kidladi.  

     Ma’lumot uchun: Ikkinchi va undan keyingi oliy ta’lim bo‘yicha o‘qitish to‘lov-kontrakt asosida amalga oshiriladi. Qabul parametrlari oliy ta’lim muassasasining ilmiy-pedagogik salohiyati va moddiy-texnik bazasi hisobga olinib, muassasa tomonidan belgilanadi.  

     Uchrashuv talabalarga o‘zlarini qiziqtirgan savollarga javob olish va kelajakdagi ta’lim jarayonlariga oid tushuncha hosil qilish uchun imkoniyat yaratdi.