Bugun Maktabgacha ta’lim fakulteti va Boshlang‘ich ta’lim fakulteti professor-o‘qituvchilari ishtirokida universitet rektori topshiriqlarining amaldagi ijrosini ta’minlash maqsadida yigʻilish tashkil etildi.

     Yig‘ilish davomida 2025-yilda xorijiy investisiyalar, grantlar va beg‘araz yordam mablag‘larini jalb etish, ularni samarali o‘zlashtirish, shuningdek, eksport natijadorligini oshirishga qaratilgan istiqbolli rejalarning ijrosi tanqidiy tahlil qilindi. Fakultet va kafedralar faoliyati to‘g‘risidagi axborotlarni rasmiy veb-saytda e’lon qilish, uning jozibadorligini oshirish borasida aniq takliflar bildirildi.

     Shu bilan birga, fakultetlarning ilmiy salohiyatini mustahkamlash, dissertatsiya himoyalarini rejali va samarali tashkil etish, yil yakunigacha kutilayotgan himoyalar yuzasidan aniq vazifalar belgilab olindi. Xalqaro va respublika miqyosidagi ilmiy tadbirlarni o‘tkazish, shu orqali ilmiy faollikni yanada rag‘batlantirish masalalari ham kun tartibidan o‘rin oldi.

     Tayanch doktorantura va mustaqil izlanuvchilar faoliyatining monitoringi, iqtidorli talabalarning ilmiy g‘oya va ishlanmalari ko‘rgazmasini tashkil etish, shuningdek, individual ta’lim yo‘nalishida olib borilayotgan ishlar yuzasidan ham hisobotlar tinglandi. Yig‘ilish so‘ngida universitetning xalqaro va milliy reytinglardagi o‘rnini yanada yaxshilashga qaratilgan aniq chora-tadbirlar va kelgusidagi ustuvor rejalar muhokama qilindi.

     Yig‘ilish yakunlariga ko‘ra, har bir yo‘nalish bo‘yicha aniq vazifalar belgilab olindi va ularning ijrosi bo‘yicha mas’ullar belgilandi.