Ayni kunlarda Chirchiq davlat pedagogika universiteti olimlari xizmat safari bilan Germaniyada bo‘lib turibdi. Germaniyaning Manxaym shahrida bo‘lib turgan universitet delegatsiyasi 12-mart kuni IDS rahbariyati va olimlari bilan muzokaralar olib bordi.   

     Xususan, universitetning yosh olimlari, doktorantlarini IDSda stajirovka o‘tashlari, ilmiy tadqiqotlvrini olib borishda IDS olimlaridan zarur maslahatlar olish va kutubxonasidan foydalanish imkoniyatlari, IDSning SCOPUS bazasiga kiritilgan jurnallarida hamkorlikda ilmiy maqolalar chop etish, o‘zbek tilini tadqiq etish borasida hamkorlik qilish, o‘zbek va nemis tillarini qiyosiy o‘rganish borasidagi tadqiqotlarni qo‘llab-quvvatlash borasida kelishuvlarga erishildi. IDS olimlari o‘zbek tilining milliy korpusini yaratishda o‘zbek olimlariga yaqindan yordam berishdan manfaatdor ekanligini bildirishdi.