Bugun Chirchiq davlat pedagogika universitetida "Toshkent vohasi tarixiga doir zamonaviy tadqiqotlar" mavzusidagi ilmiy-amaliy konferensiya o‘z ishini boshladi.  Anjuman Toshkent vohasi tarixiga oid ilmiy tadqiqot natijalarining ilmiy va tashkiliy asoslariga qaratilgan.  

     Konferesiyaning maqsadi fan va ta’lim integratsiyasi sharoitida hamkorlikdagi ilmiy tadqiqotlarni rivojlantirish hamda ilmiy jamoatchilik e’tiborini Toshkent vohasi tarixi,  madaniyati va etnografiyasi muammolarining yetakchi tadqiqotchisi sanalgan CHDPU Tarix kafedrasining ilmiy faoliyati natijalariga qaratishdan iborat. 

     "Anjuman vohamiz tarixiga doir yangiliklarni ilmiy almashinuv uchun ajoyib platformadir. Chirchiqda bo‘lib o‘tayotgan konferensiya ilg‘or izlanishlar va madaniy singdirishning ajoyib uyg‘unligi bo‘ldi. Yangi tushunchalar va qimmatli aloqalar Tarix kafedrasi maqsadlar diapazonini kengaytirdi",  —  dedi Chirchiq davlat pedagogika universiteti professori Ravshan IKRAMOV.