Chirchiq davlat pedagogika universiteti va Belarus Respublikasining Arkadiy Kuleshov nomidagi Mogilev davlat universiteti hamkorligida (1+1) qo‘shma ta’lim dasturi asosida magistraturani tamomlagan talabalarga diplom topshirildi.

     Chirchiq davlat pedagogika universiteti va Belarus Respublikasining Arkadiy Kuleshov nomidagi Mogilev davlat universiteti o‘rtasida (1+1) qo‘shma ta’lim dasturlari asosida Pedagogika va Psihologiya yo‘nalishlarida mutaxassislar tayyorlash bo‘yicha hamkorlik yo‘lga qo‘yilgan.

     2021/2022 o‘quv yilida magistraturaga ilk bor qabul qilingan talabalar o‘qishning 1-bosqichini Chirchiq davlat pedagogika universitetida tamomladi. O‘qishning 2-bosqichini Mogilev shahrida joylashgan Mogilev davlat universitetida davom ettirib, o‘tilgan barcha fanlarni yuqori darajada o‘zlashtirgan talabalar magistrlik dissertatsiyalarini ikki davlat olimlaridan iborat attestatsiya komissiyaci huzurida muvaffaqiyatli himoya qildi.

     Bugun Mogilev shahrida har ikki oliy ta’lim muassasasining magistrlik diplomlari ilk bitiruvchilarga tantanali ravishda topshirildi. Teleko‘prik ko‘magida ChDPU rahbariyati magistrlarni muvaffaqiyatli yakun bilan qutladi.

     Ayni paytda har ikki oliy ta’lim muassasasi jahon andozalari darajasida bilim olgan zakovatli, har tomonlama barkamol pedagoglar tayyorlash bilan birga ilmiy izlanishlarga ham katta e’tibor qaratmoqda.