Turizm fakulteti dekani Furqat Rajabov boshchiligidagi delegatsiya ayni paytda Germaniyaning Laybnits shahrida bo'lib turibdi.

     Delegatsiyasi Nemis tili tadqiqot insituti (IDS) ning bir yillik hisobot konferentsiyasida ishtirok etmoqda. Konferentsiya dasturining 11-mart kuniga belgilangan tadbirlari doirasida ishtirokchilar IDS direktori prof. Hennig Lobin, prof. Mexthild Xabermann, prof. Aneta Kloza-Kyukelhaus, prof. Agnes Yagirlarning ma’ruzalarini tinglashdi.  

     Konferentsiya doirasida 12-mart kuni IDS olimlari bilan ilmiy hamkorlikni kuchaytirish borasida uchrashuvi belgilangan. Unda quyidagi yo‘nalishlar bo‘yicha maslahatlashuvlar bo‘lib o‘tadi: 

     ChDPUda bajarilayotgan ilmiy tadqiqot mavzulari va ularning metodologik mazmunini nemis olimlari bilan muhokama qilish; 

     ChDPUda bajarilayotgan tadqiqotlarga nemis olimlaridan 2-ilmiy rahbarlarni tayinlash imkoniyatini muhokama qilish; 

     IDS va ChDPU o‘rtasida qo‘shma ilmiy tadqiqot loyihalarini amalga oshirish; 

     ChDPUda bajarilgan tadqiqotlar himoyasi jarayonidagi IDS olimlarini rasmiy opponent (taqrizchi) sifatida belgilash imkoniyatlari;

      Ilmiy maqolalarni qo‘shma nashr etish va IDSning nufuzli jurnallarida o‘zbek tadqiqotchilarning ishlarini chop etish imkoniyatlarini kengaytirish; 

     O‘zbekistonda nemis tilini o‘qitish metodikasini takomillashtirish bo‘yicha IDS tajribasini ChDPUga tatbiq qilish doirasida ChDPU nemis tili o‘qituvchilar uchun qisqa muddatli stajirovkalar tashkil etish imkoniyatini ko‘rib chiqish. 

     Eslatib o‘tamiz, ushbu tashrif IDS va O‘zbekistondagi pedagogik oliy ta’lim muassasalari o‘rtasida tuzilgan hamkorlik shartnomasi doirasida amalga oshirilmoqda.