Chirchiq davlat pedagogika universiteti va Adana Alparslon Turkiya bilim va texnologiyalar universiteti (ATU) rahbariyati o‘rtasida hamkorlik protokoli imzolandi.

     Protokol Turkiya bilim va texnologiyalar universiteti rektori tashabbusi va maqomida tashkil etilgan uchrashuvda ATU rektori, professor Adnan So‘zen va  ChDPU universiteti prorektori Samaraddin Qorayev orasida imzolandi. 

     Protokol muhokamasida ChDPU Ta'lim sifatini nazorat qilish bo'limi boshlig'i Saodat Gayupova, ATU tashqi aloqalar bo‘yicha mas’ul koordinatori I.Hadije, Oktay Bashegmes, IKSAD instituti boshlig‘i doktor Mustafa Latif Emek va IKSAD asosiy koordinatori Atabek Mavlyanovlar ishtirok etdi.

    Protokol bilan taraflar orasida akademik hamkorlikni mustahkamlab, o‘zaro manfaatlilik tamoyillariga asoslangan ta’lim aloqalarini rivojlantirish, manfaatli sohalarda qo‘shma ilmiy loyihalarni qo‘llab-quvvatlashga kelishildi.

     Shuningdek, tomonlar birgalikda konferensiyalar, simpoziumlar va seminarlar o‘tkazishni rejalashtirdi.