Maktabgacha ta’lim fakulteti professor-o’qituvchilari Parkent tumani 2–sonli davlat maktabgacha ta’lim tashkilotiga tashrif buyurdi. Tashrif davomida fakultet professor-o‘qituvchilari tomonidan tarbiyachilarga “STEAM ta’lim texnologiyalarini maktabgacha ta’lim tashkilotlarida qo‘llash” mavzusida seminar trening o’tkazdi. 

     Seminar treningda yangi pedagogik texnologiyalar va ulardan mashg’ulotlarda foydalanish tahlil qilindi. Seminar trening yakunida mavzu yuzasidan trening munozara va savol-javoblar bo’lib o`tdi. Proffessor-o’qituvchilari tomonidan nashr etilgan darsliklar va didaktik vositalar hamda o‘quv-uslubiy qo‘llanmalar ДMTT tarbiyachilarиga berildi.

     Ota-onalar bilan “Bolalajonlarni maktabgacha ta’lim tashkilotiga ijtimoiy moslashuv” mavzusida davra suhbati olib borildi va suhbat davomida ota-onalar o’zlarini qiziqtirgan savollarga javob oldilar. Maktabgacha ta’lim mutaxassislari tomonidan yosh onalarga bolalarni oilada tarbiyalash borasida maslahatlar berildi.

     Fakultet iqtidorli talabalari bolajonlar uchun sahnalashtirilgan “Egrivoy va To’g’rivoy” nomli qo’g’irchoq teatri namoyish etildi.

     Tadbir yakunida fakultet rahbariyati tomonidan  davlat maktabgacha ta’lim tashkiloti tarbiyalanuvchilariga sovg’alar ulashildi.